مليش نفس أكتب جديد في أعلى حالات الأكتئاب و القرف و الخنقة و القلق من الاخر عامل كوكتيل جامد جدا فممكن يأثر على اي حاجه اكتبها فقلت اروح للقديم تقريبا كنت كاتب الكلام اللي جاي ده اللي ملوش معنى من سنتين بس كده عشان اكتئابي ميتنقلش ليكم و ممكن ده يكون فرصه للمقارنه بين اسلوب كتابتي دلوقتي و زمان ايه .
ماشي انا و صاحبي و انا قرفان في حته ضلمه كحل و منتظرين اي حد يقلبنا في السكه لقيت مش عماره لأ دور واحد من غير سقف يعني ممكن نقول مشروع بيت من دور واحد و فشل
قلت لصاحبي ما تيجي نشتري الارض دي
قالي فكره و نعمل عليها مشروع ....
قاطعته و قلت بدل ما تفكر في مشروع انا عندي منظور تاني للأرض دي
قال و ايه منظورك للأرض دي
قلت عاوز اهدها و احط عليها يافطه الارض ليست للبيع او للأيجار او للبناء و اسيب الناس ترمي فيها زباله لغايه ما تبقى خرابه
قال و الله طب و انت هتستفيد ايه
قلت اصل انا عندي منظور تاني خالص الزباله هتكتر هروح جايب عربيه نقل و شايل الزباله
قاطعني و هتبعها ؟
قلت انت منظورك ضيق اوي انا منظوري اوسع من كده انا هاخد الزباله ارميها في خرابه تانيه عشان انضف خرابتي
قال و الله طب ايه لازمتها
قلت مش ممكن في وسط الزباله واحد ابن حلال يرمي زكيبه مليانه فلوس ساعتها تتوقع هعمل ايه في الفلوس دي
قال معرفش
قلت ايه رأيك انت اعمل ايه بالفلوس
قال انا لو لقيت فلوس هعمل مشروع و لسه هيكمل قاطعته
قلت لأ انت منظورك ضيق اوي انا اصلا هعرف منين ان في فلوس انا مش قلت لك اني هاخد الزباله هرميها في خرابه تانيه من غير فرز ساعتها تبقى زكيبه الفلوس من نصيب صاحب الخرابه التانيه و انا اصلا كل ما أرمي حموله عربيه هدعي ان لو فيها فلوس و حد خدها ميتهناش بيها
بصلي بصه غريبه و قالي كل ده دعاء
قالي طب ايه رأيك تحت الخرابه نعمل سرداب نتاوى فيه
قلت لأ انت منظورك ضيق لأن ريحه الخرابه مش هنستحملها
اكيد مدام وصلت للجمله دي انك دلوقتي بتلعن في كل مناظير الدنيا بس اعذرني واحد مكتئب و بيطلع قرفه و كمان مفروض تشكروني لأني مكملتش باقي المناظير في اللي حصل بعد كده
حد عنده منظور تاني
40 comments:
ههههههههههههه
لا واضح انك مكتئب فعلا ربنا ييسر لك الحال
بص انا يمكن مكتئب زيك كده بردو وان اختافت الاسباب
بس صدقني مش هيفيد بحاجة ولا هيغير حاجة
هي فترة احنا بنقنع نفسنا فيها ان الدنيا اسودت في حين ان ممكن نكون احنا السبب ف السواد ده
حاول تخرج بسرعة من المود ده
ولما تخرج ابقى تعالى قوللي خرجت ازاي عشان احصلك
:D :D
محمد هو انت شغال جراح مناظير
عاوز أشاركك في مشروع الخرابة بتاع الزبالة .. والله العظيم الزبالة بتجيب دهب
انا مش مكتئب يا عم، وزيارتك لمدونتي زودت سعادتي .. قلت أزورك يمكن تفك الاكتئاب شوية.. أخرج من البيبان الحر الضيقة بسرعة
هههههههههه و الله انت عسل
ابقي شوفلي ارض جنبك اعملها خرابه انا كمان
من منظوري الواحد يبيع الزباله اهو مكسب بردو
تصدق فكرتني بيا لما بهيس مع حد من ولاد عمتى بس هما بيكون منظورهم واسع اوى وبنعيش اجمل اوقات وبنلاقي افكار زى الفل بس ما خرتش ابا علينا حكاية الخرابة دي
احييك على منظورك الواسع اللى اوسع من مناظيرنا
تشي
انا منظورى افقى ينفع ولا مايمشيش مع منظورك الضيق
ماشاء الله ماشاء الله
لسة بقول ياصبح
والله
اقرا حاجة عن الاكتئاب هو يوم باين من اوله
الحمد لله انك مكملتش بقية المناظير بتاعتك
ربنا بيحبنا
هههههههههههه
سلاموز
السلام عليكم
ههههههههههههههه
كفاية مناظير
كل واحد عنده مناظيره اللي مقتنع بيها
على فكرة اكتر من كده وربنا بيزيح
:PPP
سلاماتي
حلوة المناظير ؟
ههههههههههههههه
بس بلاش منظار هد الدنيا و قلبها لأيجار خلينا نعمر ها أحسن و لا انت شايف أيه ؟ :)
والله هو انا من منظورى الخاص
انه احلى مشروع نشم كوله
اه يا عمونا فكها بقي
وتعليقك عندي اكتئاب بردو
ياعم ان شاء الله هتروق وتحلي
اعمل بس انت ثورة علي نفسك وجاهدها
واتحدي اي صعب
وربنا يكرمك يا صديقي
ابقي شوفلنا بقي متر الخرابة بكام عشان اشارككم
:)
فرج الله كربك وشرح صدرك يا اخي
والله يا محمد انا شايفة
طالما جبت سيرة مناظير وخرابة
تبقى مكتئب جدا
بلاش
إحنا عايزين نلم نفسنا
وندور على دكتور كويس يعالجنا
من موجة الاكتئاب دى
بس يا خوفى ليطلع الدكتور كمان مكتئب
فرفش بقى وسيبك من الافكار الوحشة
يا رب تكون بخير
وتحياتى لك
ريحته وحشة أوى المناظييييير ده......... يا ساتر
آلام وآمال
لا مش دلوقتي خالص الخروج من المود ده احنا داخلين على ايام سوداء
يوميات عيل مصري
كل ما هقول اخرج من الاكتئاب تحصل حاجه تزوده تاني بس دلوقتي مبقاش اكتئاب بقى خوف من بكره
EmY
ربنا يخليكي
و اناشايف ان مكسب الزباله كويس جدا
Che The Sad
لما تكتئبوا هتطلعو مناظير كتير من دي
بت خيخة وأى كلام
انا بيمشي معايا اي منظرو افقي رأسي
اي حاجه
doha
حظك وحش بقى نعمل ايه بس كان مفروض اكتب تحذير ان محدش يشوفها على الصبح
وانا هشترى البيت اللى قدامكوا واهده
واعمل خرابه منافسه
مع هديه لكل رامى زباله
وابنى بينى وبينكم جدار عالى
واجيب بنص فلوسى مبيدات حشريه
علشان انظف الخرابه كل يوم
والنص التانى
اجيب
مناديل ورق
علشان اعيط براحتى على فلوسى اللى ضاعت لما مالقيش الشنطه اللى فيها الفلوس
على فكره بقه انت منظورك ديق فعلا انت وصاحبك لان مين من الاساس هيسيبكو تشتروا وتهدوا وتعملوا خرابه ومين من الاساس سمح لحضراتكوا تتخيلوا وتحلموا حتى لو بخرابه وكمان تحلموا بزككايب فلوس ده انتوا منظوركوا ديق اوى ومساء المناظير
محمد باشا
اولا ازيك
ثانيا انا جاى اقولك ابقي شاركنا
http://cheeeeeez.blogspot.com/2007/11/blog-post_15.html
مستنيك
تشي
محمد باشا
البلوج بتاعى اتهاك عليه الجديد اهو
http://cheeeeez.blogspot.com/
تشي
انا من منظوري للمنظور اللي انتي كتبه ده
شايفك ان منظور واسع شوية
ربنا يقدرك وتخققه
المرة دي تخريفتك ليها منظور مختلف عن المنظور اللي كنت متمنظر منه قبل كده ..
يااه يامحمد .. ربنا يارب يبعد عنك وعنا الاكتئاب .. تعرف رغم كل ظروف الحياة المحيطة واللي بنسمعه عن النظرة المستقبلية القاتمة الا اني عندي أمل كبير أوي ف الله سبحانه وتعالى انه يوجد لنا فرج كبير . بس احنا نسعى
تحياتي ليك ومش ح اقدر انكر انه كتاباتك الساخرة رغم انها لاذعة لكن بتدخل بسمة على قلوبنا ..
يظهر شر البلية مايضحك ..
تحياتي ليك والسلام عليكم ورحمة الله وبركاته
هايدي
mesh2dra
لأ اكتر من كده بيزيح معتقدش ان في اكتر من كده
عاليا حليم
مفيش امل تتعمر
Desert cat
انت يا راجل متعرفش الكله بقت بكام
مصراوي أوي
عادي الاكتئاب بقى سمه من سمات الشعب المصؤري
المهـ إلي الله ـاجر
امين
Esmat
بس انا مقدرش على بونديره لدكتور
Anonymous said
ريحه الخرابه اللي وحشة
فرنسا هانم
ليه كده التقطيع ده
عليوه
ربنا يوسع علينا منظرنا يا رب
Che The Sad
هضيف بلوجك الجديد و اشيل القديم
el_assel
واحد يقول ضيق وواحد يقول واسع مترسو على بر
ارسم بالرصاص
اشكرك على الكلام الكبير ده اللي يصعب على امثالي فهمه و الف شكر على رأيك في كتاباتي
محمد باشا
ايه يا مان الغيبة دي كلها
متبقاش تغيب كدا
مستني البوست الجديد
تشي
كل دي مناظير ولا نقول منظورات
الا مناظيير دي طبية اوي
كل دا من الاكتئاب
بس تعرف ما تقلقش لسه في امل في حالتك
طالما عندك الكم الهائل من المناظير دا
اصل حالتك لو قفلت خالص
المناظير هاتتسد ومش هاتبقى لا واسعة ولا ضيقة
وبعدين يا سيدي
خليك بمنظور واحد
بص بيه للسما وقول يا رب
ما علينا
الحمد لله الاكتئب خف و قلب احباط بس
Post a Comment