Wednesday, October 31, 2007

كلام و خلاص

لما فتحت المدونه سميتها تخاريف لأني كنت انوي اني اكتب فيها بس كلام خفيف حاجات يوميه ابعد عن المواضيع الجاده السياسية الدينيه قدر الأمكان على اساس ان في السياسة و الدين أفعل ما تقول اولا و طبقه في حياتك ثم أكتبه و كانت دي وجهه نظري اني مكتبش حرف في الكلام ده الا ما اكون قادر على تفيذه و كنت بشوف ناس كتير جدا بتكتب كلام انا متأكد انها لا تنفذ منه حرفا و لكن للشهره فقط ايضا هناك الكثير اللي بيكتب و ينفذ كالأستاذه نواره مثلا و طبعا غيرها كتييير
البوست او الميل ده هخرج فيه قليلا عن اللي كنت ناوي استمر في كتابته في مدونتي .
في مدونه شهروزه كتب ثلاث مواضيع متتاليه و هذه هي لينكات المواضيع لمن أراد ان يأخذ فكره عن الكلام اللي هكتب ردي عليه .
http://shahzad12.blogspot.com/2007/10/blog-post_11.html
http://shahzad12.blogspot.com/2007/10/blog-post_18.html
http://shahzad12.blogspot.com/2007/10/blog-post_26.html

و للأمانه انا لم اقرأ الا اول بوستين لأن النقاش وصل لحد صعب اكمل فيه و كنت أفكر اني اطنش فيالرد خصوصا ان جمهور مدونتي مازال قليلا و مازلت احبوا في عالم التديون و ايضا ان مش مشلكه اني اتشتم من حد بسبب أختلاف في الرأي و لكن النهارده و انا في الشغل بسمع قران سمعت الايه دي من سورة الأعراف قال الله تعالى (وَإِذْ قَالَتْ أُمَّةٌ مِنْهُمْ لِمَ تَعِظُونَ قَوْمًا اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا قَالُوا مَعْذِرَةً إِلَى رَبِّكُمْ وَلَعَلَّهُمْ يَتَّقُونَ (164) فَلَمَّا نَسُوا مَا ذُكِّرُوا بِهِ أَنْجَيْنَا الَّذِينَ يَنْهَوْنَ عَنْ السُّوءِ وَأَخَذْنَا الَّذِينَ ظَلَمُوا بِعَذَابٍ بَئِيسٍ بِمَا كَانُوا يَفْسُقُونَ (165) الأعراف/164-165
فكرت و قلت ما دامت لا حيله لي الا الكلام ليه متكلمش ؟؟؟؟
قبل ما ارد على الكلام لازم تفكر الاول أيه الغرض من الكلام ده لأن الرد الكلام يحتمل اكثر من غرض سألتها ساعتها مردتش أكتر من كده و انا من وجهه نظري المتواضعه ان الغرض لن يخرج عن احتمالين :-

1- قول ان السنه خاطئه و ابعد عن البخاري و مسلم و ملكش دعوه الا بالقران .
2- الرسول لم يكن الأنسان المعصوم و ان له أخطاء .


هبدأ ارد على الاحتمالين دول و قبل الرد انا مش عالم في علم الاحاديث المتشعب و لكنني ارد بعلمي القليل جدا و الذي شجعني في الرد ان الذي كتب الثلاث مواضيع ليس بعالم

1- في حاله ان الغرض القول ان السنه خاطئه و ابعد عن البخاري و مسلم و ملكش دعوه الا بالقران .

قال الله تعالى ( قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ)ال عمران 31 لو الله سبحانه و تعالى يريد ان يتبع المسلمون القران اليس من الاولى ان يقول فأتبعوا القران و لكن الله قال فأتبعوا الرسول و محددش نتبعه في ايه او منتبعوش في ايه
لأ قال نتبعه في اي شئ اي قول و اي فعل لأنه لاينطق عن الهوى .
في بدايه النقاش قالت شهروزه ان السنه بها الاخطاء و كلام كثير ان الأسلام قران فقط فسألت سؤال
هات من القرأن ما يوضح لك كيف تصلي ؟؟؟
كم عدد الصلوات في اليوم ؟؟؟
كم ركعه في كل صلاه ؟؟؟؟
مقدار زكاه المال ؟؟؟؟
مقدار الزكاه عموما ؟؟؟؟
مقدار زكاه الفطر ؟؟؟
و قس على هذا الأف الاسئله فين كل ده في القران ؟؟
القران به تعاليم و اوامر و لكن كيف تؤدي الاوامر الاجابه في السنه
في البوست التالي لشهروزه قالت فيما معنى الكلام ان المرجع الرئيسي في الأسلام القران و السنه فيما يتعلق بالعبادات فقط .
بالله عليكم ده كلام ينفع اعقله
انا راجل جاهل دينيا بس ده كلام يخش العقل ؟؟؟؟
الجمله دي معناها ( السنه غلطت و القران صح بس الكلام اللي مش موجود في القران اخده من السنه ) يعني اعترف بأن الحاجه غلط و اخد منها مش حاجه عاديه لأ اخد منها عبادات رئيسيه و كمان بناء على ايه اعتبرت ان العبادات الرئيسيه دي صح و بناء على ايه اعتبرت ان الباقي غلط ؟؟؟؟
انا مش باحث في الاحاديث بس لماذا جمع البخاري و مسلم الاحاديث و ليه تعب في جمعهم و ليه كان بيسافر بلاد عشان يجيب حديث لمجرد ان رواته 3 عن الرسول مش 4 ......اكيد مش الفلوس لأن المبيعات بتاعه صحيح البخاري منبهوش منها نكله فأكيد كان يقصد وجه الله بهذا و ليس من المنطقي ان تسب رجلا كل ذنبه ان سعادتك لم تستسيغي 20 او 30 حديث من اجمالي 8000 حديث جمعهم .
في درجه صحه الاحاديث هناك العديد من الصفات المعروفون لدى العامه و انا منهم الصحيح و الضعيف و الحسن و هناك مراجع لعلماء السنه في هذه و هناك مرجع اعتقد ان اسمه الرجال العظماء او اسم مشابه اعتذر ان كنت أخطأت في الأسم الكتاب بكل بساطه عباره عن سيره ذاتيه لأي راوي للأحاديث بمعنى ان الحديث الفلاني رواه البخاري عن كذا عن كذا حتى رسول الله صلى الله عليه وسلم فكل هؤلاء الرواه كسيره حياتهم موجوده في صحيح البخاري لماذا .؟؟؟
لأن اي شخص منهم يحدث طوال حياته اي موقف يحتمل كذبه و لو ضئيل جدا يضعف الحديث الذي رواه و هذا يختلف عن الروايه للتاريخ
بمعنى انا لو روحت حادثه و سألت الموجودين حصل ايه كل واحد ممكن يروي روايه و الأحتمال الكبير ان منهم ناس كدبت بس انت هتاخد بكلامهم كلهم بعكس الحديث اللي اي شخص يروي حديث يجب ان تكون سيرته ناصعه البياض و هنا يظهر دور علماء الحديث
انت شخص بتقول ازاي اؤمن بالسنه و فيها احاديث مغلوطه امال ليه العالم ده بيضيع من عمره عشرات السنين في دراسه السنه عشان واحد كل اللي عمله انه قرا الصحيح و يجي يفتي هو ؟؟؟ مكانش حد غلب .

2- الاحتمال الثاني الرسول لم يكن الأنسان المعصوم و ان له أخطاء .

و كان ده محور الخلاف بيني و بين شهروزه لأن من الطبيعي جدا لو ان الشخص كاتب المقال غير مسلم سيكون هذا غرضه و كنت سأترككم مع مقتطفات من ردودها لتوضيح وجهه نظري لولا انها قامت بمسح التعليقات كان هناك تعليق تتحدى فيه ان يأتي أحد بخطأ في مزامير لا اتذكر اسمها في العهد القديم .
في جميع تعليقاتها تقول الرسول الكريم و لا تصلي على الرسول ابدا و هناك خطأئين في كلمه الرسول الكريم الاول طبعا عدم الصلاه على الرسول برغم ان الصلاه على الرسول امر من القران و ليس من السنه فقط و عندما اخبرتها اني اتوقع انها مسيحيه بسبب الرد الاول و التي ذكرت فيه العهد القديم و عدمم الصلاه على الرسول و مخالفتها لأمر القران المباشر اتهمتني بالغباء لأني اختزلت الأسلام في الصلاه على الرسول برغم اني لم اختزل الأسلام في الصلاه على الرسول الخطأ الأخر في كلمه الرسول الكريم ان الكريم اسم من اسماء الله الحسنى و اي مسلم يعلم جيدا ان اسماء الله الحسنى اذا اردت ان تسميها لشخص يجب ان تسبقها بكلمه عبد
و طبعا اول ما قلت الكلمتين دول اتهمتني اني كفرتها و قعدت تشتم فيا و لم تحاول مره واحده ان تنفي الاتهام بالصلاه على الرسول او توضيح لماذا تتحدى احد ان يأتي بخطأ في شئ من العهد القديم .

ملحوظه هامه جدا كنت انتوي نقل العديد من التعليقات لها و لكن للأسف قامت بحذف التعليقات بالكامل .

الاسلام دين شامل نزل يوضح احكام كل شئ حتى الجماع بين الرجل و كيفيه الجماع من الحائض و لا ارى عيبا في الكثير من الاحاديث و خصوصا بحسابها كنسبه من اكمالي الاحاديث في الكتب السته التي قد تصل الى 30000 حديث و لأن الاسلام دين شامل كل شئ في حياتنا فمن الطبيعي ان تجد اقل من 30 حديث بهم كلام عن الجماع و الحيض لتعليم المسلمين و لك ان تصعق اذا علمت انها تنادي بعدم الاعتراف بالأحاديث لأن 0.01 % من الاحاديث من وجهه نظرها لا تصح ان انسى 30000 حديث عن الرسول من اجل 30 و الثلاثين لا اعلم اسنادهم و من اجل حديث اخبرتني به و لم تقل لي اي اجده و من رواه و اسناده في احدى الردود قالت لي ان البخاري قال في حديث ان الرسول كان سينتحر و لم تقل من الذي رواه عنه البخاري و لم تقل من رواه عنه البخاري و ندى صحته رغم اني الححت في المصدر و هي اكدت انها تملك صحيح البخاري و مسلم و لم تنقل الاحاديث من المواقع المسيحيه المنتشره .
حتى لا اتحدث في اكثر من موضوع كان من ضمن ما لفت انتباهي في مدونتها صوره مكتوب فوقها اوقفوا تلك المذبحه ختان الاناث
لن ارد من السنه نخلي الرد ده لأهل العلم ردي هيكون عباره عن لينكات لأبحاث منشوره في البي بي سي الشبكه اللي معروفه بمصداقاتها تتحدث اكثر من مقاله عن ابحاث قامت بها اكثر من دوله و اكثر من جهه منها منظمه الصحه العالميه عن فوائد الختان الذي ثبت انه يقلل من فرص الاصابه بسرطان عنق الرحم و فيرس نقص المناعه الكتسبه ( الأيدز ) لينك المقال .
http://news.bbc.co.uk/hi/arabic/sci_tech/newsid_6732000/6732419.stm

هيكون الرد الجاهز حالات النزيف و الوفاه الخ مش هقولك الا مثلا حاله الفنانه سعاد نصر دخلت تعمل عمليه شفط دهون ماتت و كثير يخشوا يعملوا عمليات عاديه يموتوا سواء بينج زياده خطأ تخديري او خطأ جراحي و اي عمليه مهما كانت تفاهتها فيها نسبه خطأ و لو قست حالات النزيف و الوفاه في الختان ممكن تلاقيها اقل كمان من النسب العاديه في العمليات الاخرى و لكن التضخيم بس لأنهم عاوزين يمنعوا الختان و خلاص
في مدونه اخرى لن ابعث بلكنها و لكني وصلت اليها من التعليقات المكتوبه على مقالات شهروزه فأول ما دخلت لقيت فيديو مكتوب عليه منقبه بالأسكوتش فيديو لمنقبه تشرب الخمر و البوست اللي تحتيه كلام عن تربيه الدقن في دماغي قلت انتوا بقى مستلميبن الغلطات و كأن النقاب هو لا يلبسه الا مسلم او مؤمن و كأني لا استطيع ان انزل الشارع فأشتري لنفسي نقاب و البسه او اي اجنبي او اي مسيحي او يهودي يستطيع ذلك او حتى العاهرات التي يلبسونه كستار لعملهم .
بصراحه كان ردي قصاصه من النبأ للقس برسوم عشان اقول بس ان زي ما ممكن اي حد يلبس نقاب و يعمل اي شئ ممكن اي شخص يلبس قس و يعمل ما يشاء
انا حبيت اكتب كل اللي في دماغي هنا و اعتذر بشده عن الطول و سأقوم بأرسال لينك الموضوع لشهروزه حتى لا يصبح هذا الموضوع غيبه
مش عارف كنت اتوقع اني استمر في التدوين ل 100 بوست مثلا او الى ما لا نهايه بس مش عارف ليه حاسس اني ابتديت اتخنق اضايق ازهق لأسباب مش منها شهروزه بس انا موجود حتى اشعار اخر مني بس مش عارف ليه حاسس اني قربت ازهق .
مش عارف ليه انا مش راضي على البوست ده بس كتبته و خلاص
تحديث -***********************************
مقتطفات من ردود شهروزه أهداء لنواره نجم بخصوص الرسول الكريم
و عدم الصلاه الل قالتلي نواره انها بتصلي
)كل سنة وانت طيب يا رامزلازم تعرف زى ما انت حسيت باستفزاز وأنا كمان باقرا الكلام دةالمنسوب لأحاديث الرسولحسيت باستفزاز أكبر منهو على من يهاجمون سفر نشيد الانشاد فى العهد القديم أن يلتزموا بالطوب فى جيوبهمفحسب رواة الحديثاللى بيته من ازاز(
أى عقل بسيط وفطرى ينظر للكلام ما نظرت انا وانت وغيرنا ممن لستنكر نسب تلك الأقوال للرسول الكريم
يبدو أنك من ضمن قلائل وصل لهم ما أردت قولهوالربط اللى حاولت أربطه بين فكرة الغرب ورسومه عن الرسول الكريموبين ما منحهم تلك الفكرة
اهانتك موجهة لمن كتبها ونسبها للرسول الكريملو بتفهمى عربى تقريبا والله
أعلمحتقرى تعقيبى الرافض لها ولنسبها للرسول الكريم جملة وتفصيلا
أعتقد كفايه كده بالنسبه لقول الرسول الكريم و عندك مئات التعليقات اقريها
أخيرا تعقيب سريع على أخر بوست ليها الأسلام ليس بالحجاب و لا بالنقاب و لا باللحيه تدخل الجنه الأسلام تعاليم و أوامر بالنسبه للصلاه على النبي أمر من القراءان صريح (ان الله و لائكته يصلون على النبي يا أيها الذين امنو صلو عليه و سلموا تسليما )
الحجاب ايته معروفه من القران و أمر مباشر برده في صوه بدأها الله تعالى بقوله سوره انزلناها و فرضناها للتأكيد على أهميه كل الاحكام في هذه الصوره اللحيه العلماء قالو انها واجب و من السنه
ليس لأني افعل هذا اصبح مسلم الأسلام فعل هذا و غيره من التعاليم و ليس من المعقول ان اقول الأسلام ليس الصلاه فقط هو فعلا مش الصلاه بس الاسلام هو مزج من اركان و فروض و أوامر لو سقط اي منهم ميبقاش الواحد مسلم و ميقتصرش على حاجه واحده منهم دي أخر مداخله في الموضوع بإذن الله و أكمل في الردود فقط

17 comments:

جبهة التهييس الشعبية said...

انا عارفة انت ليه مش راضي عن البوست ده

عشان ما ردتش عن تساؤلات شهروزة

هي ما قالتش مالكش دعوة بالبخاري ومسلم

وما قالتش الرسول له اخطاء

هي حطت احاديث هي مستكبرة انها تنسب للرسول وللسيدة عائشة

وبالمناسبة شهروزة في كل البوست بتصلي على الرسول جبت منين انها مش بتصلي عليه؟

فيه احاديث شهروزة مستبشعاها وانا شخصيا مش شايفة ان فيها مشكلة

بس فيه احاديث فعلا غريبة

غريب ان ست تتكلم عن جوزها كده

وغريب ان راجل يتكلم عن مراته كده قدام الناس

الحقيقة معظم الاحاديث انا شخصيا مش شايفة فيها مشكلة

بس فيه احاديث فيها مشاكل مش مشكلة واحدة

وهي طالبة تحقيق في الاحاديث دي

يبقى ترد عليها اذا كنت تقدر ترد

لكن انت عمال تتهم فيها وتقول ما بتصليش على الرسول

شهروزة مش كافرة

وبتحب الرسول وبتصلي عليه وراجع بوستاتها عشان تعرف ان فاتك تقرا صلواتها مختلفة الصيغ اللي هي قايلاها

ولما واحدة تثير موضوع عشان بتفكر حتى لو اختلفت معاها ما تتهمهاش بما ليس فيها

Mohamed_sobhy84 said...

ليا رد بعد العوده من الشغل
بس رد سريع
الصلاه عن الرسول كانت في الاحاديث المنقوله بكوبي و بيست من المواقع
اما عندما تتحدث هيا عن الرسول لا تصلي عليه و راجعي الردوود التي حزفت
و راجعي كلامها خارج المواضيع

Mohamed_sobhy84 said...

مقتطفات سريعه من الرسول الكريم دلاله على كلامي
-لمجرد معرفة قوة الرسول الكريم
-لمجرد أنه يفند أحاديث صحيح البخارى المتفرغة فقط لحساب القوة الجنسية للرسول الكريم وعدد
-وكأن الرسول الكريم لم يبعث الا لهذا...وترك هموم الدنيا وإلتهى
-ومابال السيدة عائشة تتباهى بمناطحتها للرسول الكريم
-مواطن الهجوم فيها وبين ما نسب فى كتب الأحدايث المنسوبة للرسول الكريم كما فعلت أنا من قبل


ده من بوست واحد بس الصلاه عن الرسول كانت في الكوبي و بيست من الاحااديث فقط و راجعي الثلاث بوستات
و باقي كلامك ردي جاهذ بس فعلا متأخر عن الشغل
ارجو ان تقرأيه

EmY said...

انا راضيه عن البوست و شايفه انه جميل
مهم ان احنا نناقش امور الدين و السنه و العبادات و الاحاديث
انا طبعا مش دارسه حديث ولا عالمه دين
بلس شايفه ان اعظم نعمه هي الغقل و من حق عقلي انه يرفض اي حديث لا يناسب المنطق و ده مش معنا ان الرسول غلطان معنا ان ممكون يكون الحديث محرف او كاذب
ممكن اسمع حديث لا يطمئن له قلبي فاطبيعي اني لا اقتنع بيه
الحديث علم واسه ليه اهله بس من حق كل مسلم التدبر و التفكر
و عن كون الرسول معصوم ده غير قابل للنقاش لأمن دي من الثوابت
و القرآن وضح ده
(انك لعلي خلق عظيم)
و الرسول عليه الصلاة و السلام قال أدبني ربي فأحسن تأديبي
اكيد الرسول بشر بس مش زي باقي البشر ليه احترامه الواجب علي كل مسلم
و انا ماشفتش بوستاها
و طبعا الدين مش في الصلاه و السلام علي الرسول بس ده شىء واجب علي كل مسلم و ده مش تشكيك في دين حد بوستك مافيهوش اي اتهام ليها في دينها

تحياتي ليك

عاليا حليم said...

مش شرط تكتب قى السياسة و الدين حاجات تنادى بيها و تكون عملتها ممكن تكتب عن حاجات تتمنى انها تحصل أو أوضاع بتحلم أنها تتغير فضفضة يعنى مافيهاش حاجة كلنا جوانا أوجاع بنقبى عايزين نخرجها و ممكن تلفت نظر حد لحاجة مهمة من خلال فضفضتك دى

تحياتى

Mohamed_sobhy84 said...

الاستاذه نوارة

اقولك انا مش راضي ليه عن البوست

عشان انا متعودش اني انشئ موضوع رد على موضوع او رد على شخص بس الشخص ده خلاني اعمل كده لما جرح فيا و انا ضيفه

انا مش راضي عن البوست ده لأن ده مش اسلوبي في الكتابه
انا مش راضي عن البوسيت لأني بصفه عامه مخنوق مش عشان بوست او غيره

بالنسبه للأحاديث اللي حضرتك شايفه انها غريبه و بأعترافك ان الاحاديث معظمها مفيهاش حاجه
انتي رديتي على لسان شهروزه
في رد لشهروزه من ضمن الردود انها القران فقط هو مصدر التشريع و لما قلت فين الصلاه في القران قالت اخد العبادات بس من السنه و الكلام ده كاتبه بشكل اكثر تفصيلا في البوست

بالنسبه للتدقيق اللي هي مطالبتش بيه في علماء اجلاء فعلا بيقولك ايه الصحيح و ايه الحسن و ايه الضعيف و انا زكرت مرجع في البوست من المراجع لذلك

بصفه عامه رجاء خاص لكي يا نوراه بقرائه بوستي لأن في كتير من الدود على كلامك

Mohamed_sobhy84 said...

EmY
كنت اتمنى ان تقرئي بوستها ايضا لتلمي بالموضوع بالكامل اشكرك على رأيك في البوست

رجل من غمار الموالى said...

الخلاف فى الرأى لا يجب أن يكون مدعاة للتجريح الشخصى
نحن نتخذ من النت عالم نحاول أن يكون عالم محترم فساعدونا على أن نعيش فيه ما لا نستطيع أن نعيشه فى الواقع
................
يا صديقى العزيز ..
.....................
هذه زيارتى الأولى لك
ولن تكون الأخيرة إن شاء الله
................
لتقل ما تريده يا صديقى
ولتسمح للأخرين أن يقولوا ما يريدوه
.............
دعونا لا نكرر ما يفعلوه معنا فى أرض الواقع
أولئك الذين يظنون أنهم يملكون الحقيقة المطلقة
ويملكون مصائر الشعوب فى أيديهم
ولا يحترمون وجهات نظر الأخرين
.............................
ولكى تكوزن متمكناً من ردودك يجب أن تقرأ كتب التفسير والأحادسث لكى تعلم وتكون مؤهل لتوضيح وجهة نظرك بصورة صحيحة
وشكراً

DoMaLaYs said...

ربنا يقويك كمان و كمان يا مان

بجد نشاط تتشجع عليه

mohandsmasry said...

الحقيقة انا جانى البوست ده من مجموعة المحروسة البريدية وده اللى خلانى اجى هنا علشان اعلق عليه هابتدى من الاخر على تعليقك على موضوعات الاميرة اوسةعلشان انت مش متابع الموضوع ده من الاول ده كانت بدايته فى مدونة الناس والعالم والمقصود بيه مش المنقبات ولا النقاب لا ده كان رد على واحدة سعودية وده عن بعض السعوديات لو اخدت بالك من عنوانه هتلاقيه اهداء الى ايما اللئيمة وده لينك الموضوع https://www.blogger.com/comment.g?blogID=3832905468619487867&postID=649401043774396318 والبوست التانى كلامها عن بعض حالات شافتها واتعاملت معاها ودول بيسيئوا للدين نتنافش بهدوء هل كل واحد مربى دقنه وكل واحدة لابسة حجاب او نقاب متدينة ويعرفوا ربنا حق المعرفة؟ بالتأكيد لأ لما تشوف وتتعامل مع واحد ملتحى لا يطبق روح الدين وتعاليم الدين وتعامله سئ مع الناس مش ده بردو بيسئ الى الدين لانه واجهة سيئة دول اقلية لكن المثل السئ بيبقى ظاهر اوى اما بالنسبة لشهروزة فهى لم تخطئ هى بتقول بكل وضوح دى بعض حاجات موجودة سواء كانت احاديث ضعيفة او محرفة او غير صحيحة او غير مفهومة لينا لغويا بحكم ان لغتنا العربية الفصحى بقت فى الضياع المطلوب ان الناس العلماء يتصدوا للتصحيح ومش اى علماء لازم ناس تكون على مستوى عالى مش احنا اللى هانعمل كداطبعا ودى مش دعوة لعدم الاعتراف بالاحاديث الشريفة لان جامعى الحاديث ذاتهم جمعوا الالاف واسقطوا منها الكثير صح ولا غلط ؟ نقطة تانى وليها حق فيها بالعقل كدا وبالمنطق هل من المعقول ان يرد حديث عن الرسول عليه الصلاة والسلام يخالف نص قرأنى ؟؟ محااااااال انت مش معايا فى ده ؟ الاصل فى الدين النص القرأنى ( لا اجتهاد مع النص ) ثم الاحاديث الشريفة لتوضيح وتفسير النص القرأنى ثم اجتهاد العلماء واجماع الفقهاء محدش قال اننا ناخد القرأن بس ونترك سنة رسول الله صلى الله عليه وسلم وفى الختام احب اذكر بحديث شريف عن رسول الله عليه الصلاة والسلام عندما جاءه اعرابى وقال له لا اصلى الا الفرض ولا أؤدى الا الزكاة ولا اصوم الا رمضان ولا احج الا مرة واحدة فكان رد الرسول عليه افلح ان صدق ...... والخلاف فى الرأى لا يفسد للود قضية تحياتى

mohandsmasry said...

معلهش فيه حاجة نسيت اقولها بخصوص ان الرسول قد يخطء وقد يصيب نعم الرسول لم يكن معصوم من الخطا فقط فى شئون الدنيا لأنه بشر والدليل من نص القرأن فى موضوع الاسرى وبردو فى سورة عبس لان دى كانت فى شئون الدنيا( انما انا بشر مثلكم ) اما فى شئون الدين فما ينطق عن الهوى ان هو الا وحى يوحى اسف للاطالة

الفاتح الجعفري said...

السلام عليكم اخي الحبيب وجزاكم الله خير وكلامك فعلا جميل جدا ومؤثر بس في حاجات عايز اعلق عليها اولا مش معني انك مبتعملش ومبتنفذش احكام في الدين انك متتكلمش فيه وده اللي قاله الامام الحسن البصري عندما قيل له ان رجل ترك الدعوه بحجه انه لايعمل بما يدعوا فقال هذا مااراده الشيطان منه ومن منا يعمل يعني مهما عملت المفروض تري نفسك مقصر ثانيا مينفعش ترمي احد بالكفر مهماكان يعني مش معني انها مبتصليش علي النبي ترميها بما تقول او حتي لو قالت اضعاف ماقالت طالما انها لم تنطق كلمه الكفر امامك ولوكنت شاكك قولها تقول الشهاده ثالثا بأجماع العلماء انكار السنه خروج عن الدين رابعا الرسول لاينطق عن الهوي في الدين والدنيا ومش عارف الاخ اللي علق عندك جاب الكلام ده منين والاستدلالات الي استدل بيها في غير محلها لان في سورة عبس لم يذكر ان الرسول اخطأ ولكن لحرصه علي هدايه المجموعه التي يدعوها اعرض عن سيدنا عبد الله ابن ام مكتوم وبعدين موضوع الاسري لم يعطي النبي حكم ولكن كان يستشير اصحابه وكان له راي حتي صدر حكم الله فيهم ومينفعش نصدر اجتهادات في مثل هذه القضايا والرجوع للعلماء افضل وجزاكم الله خير اخي الحبيب

Mohamed_sobhy84 said...

عاليا حليم
اتأمرون الناس بالبر و تنسون انفسكم و انت تتلون الكتاب
من المستحيل ان اقول للطفل صلي و انا لا اصلي
و من المستحيل ان ادعوا للثوره و انا قاعد في بيتنا هناك اشيياء من المستحيل ان انصح بها و لا افعلها
و هو ده مقصدي اما في حاجات تانيه اتمنى اني اعملها و ده اللي ممكن يكون فضفضه

Mohamed_sobhy84 said...

رجل من غمار الموالى

لست من يحجر على رأي اي احد و لم تكن عندي النيه ان اكتب ما كتبت اصلا لولا اني حاولت مناقشتها فكان نصيبي منها السباب فقط
انا لم اجرح احد وضعت احتمالين و ايدت الاحتمالين بردودها هيا و ليست ردودي

بالفعل انا لست بعالم و بحاجه الى مزيد من العلم و لكن هي ليست بعالمه و لذلك ردت فردت بالعقل و ليس بالعلم الا فيما ندر
اشكرك جزيلا على زيارتك المدونه

Mohamed_sobhy84 said...

mohandsmasry
من الاخر للأول بردده
لم اقصد ىان الرسول من الملائكه بس في اي حكم ديني هو معصوم ( و ما ينطق عن الهوى )
بالنسبه لأوسه دي مش طريقه رد على حد كل فئه فيها الصالح و الطالح و ده معروف و هي سبت في النقاب و لم ترد على السعوديه

بالنسبه لشهروزه حاول ان تقرأ كلامي جيدا
شهروزهه لم تقل عاوزين علماء ينقحوا لأن بالفعل في كتييير جدا
شهروزه قالت ان الأسلام هو القران فقط و عندما قلت ان الصلاه ليست موجوده تفصيليا في القران قالت القران و احاديث العبادات فقط ده كلام يعقل ؟؟؟

حبة حاجات (ايمان) said...

عجبتنى المدونه واجمل مافيها صور مصر
تحياتى

ما علينا said...

عارف
البوست بتاعك دا
قريته وقريت التعليقات عليه
وقلت قبل ما اعلق اروح اقرا
عند شهروزة حرصا على الحياد

بصراحة حصلي مش هاقول صدمة
لكن شيء غريب جدا

استغربت جدا استسهالها للطعن في علم
الامام البخاري

رجل افنى عمره وماله الذي ورثه عن والده في أسفار وترحال كي يجمع الحديث
ويتاكد من صحته ويستبعد اي حديث كان من رواته اي شخص تشوبه شائبة

استغربت جدا استهانتها بهذا العلم
وحديثها عنه وكأنه مجرد احد المؤلفات
كام كاتبها بكتابتها هكذا من مجرد خياله

ولاحظت فعلا ما لاحظته انت من عدم صلاتها على المصطفى صلي الله عليه وسلم

وان الاجزاء التى ورد بها ذكر الصلاة على النبي صلى الله عليه وسلم
هي الاجزاء المنسوخة من كتب

ومن ذهولي مما كتبت هي
ومن التعليقات التى لديها
يشكرونها على مجهودها
وجرأتها ولا ادري حقا مالجرأة في ذلك


وناقشت اصدقاء
وسمعت عن جماعة لم اسمع عنهم من قبل
سمعت عن جماعة تسمى القرآنيين

اصحاب مبدأ ان الدين في القرآن فقط
وعلمت ان لهم قناة تليفزيونية


بصراحة مش عارفة اقول ايه
يعني كل علماء الحديث دول
على خطأ وجهل

سبحان الله

Google