Wednesday, October 3, 2007

تاج .. بلاش تاج نقول حوار

احم احم نجرب الميكروفون الو الو ايوه شغال نبدأ منين نخش في الموضوع تاج ( مع اني لسه مش مستسيغ الكلمه دي ) من مش قادره و ده بالمناسبة برغم اني في منتديات كتير بقالي فوق ال 3 سنين دي اس ال و عضو فعال فيها الا انه اول حوار اعمله يلا بقيت مهم يمكن لأني رخم غامض كتير بيقولوا ردودي غريبه و غير متوقعه عشان كده هحاول ارد ردود نمطيه في الحوار ده نبدأ بقى
لو قالولك اختارعصر من عصور مصر عشان تعيش فيه تختاراى عصر وفى عهد اى حاكم
واشمعنى؟

.مش هقول عصر الرسول ص احسن يكون حظي المنيل اطلع من الكفار احب اتواجد في العشرينات لما كانت البلد نضيفه او في عهد ايا من ال محمد علي

اول اولوية فى حياتك عيلتك ولا شغلك ولا اصحابك؟

اول اولوياتي انا طبعا مغرور يمكن بس واقعي انا احب اصدقائي و احب عائلتي بس احب اقضي وقتي زي مابحب انا يبقى اكيد انا الأول
ايه اكتر حاجة بتحبها فى رمضان

اللمة حيث اني وحيد ممكن اشوف ناس مبشوفهومش الا في رمضان

اوصف ليا اجمل فطار ممكن تفطره؟

فته رمضان يعني 30 يوم فته الا ايام العزومات

لو انت حاكم على مجموعة من الافراد حتكون عادل؟ طب حتعمل ايه عشان تتأكد انك حاكم عادل؟

ابقى وسط الناس
"حكمت فعدلت فأمنت فنمت يا عمر
"

للى بيبوظ الحكام ..نفسهم ولا الشعب ولا الحاشية المقربة؟؟
الثلاثة

مين اكتر اعلامى مصرى بتحترمه؟؟

الاحترام شئ ميتحسش الا بعلاقة شخصية اما انا ممكن اقيم الاعلامي بفكره
و لا اعلامي بحترم فكره هي دي اجابتي بس اكيد في كتير محترمين ده هعرفه لو قابلت حد او عرفت حد شخصيا


قريت ديوان عمر مصطفى صاحب بلوج تجربة" اسباب وجيهة للفرح" عن دار ملامح ولا لسه؟؟
لأ
مبحبش اقرا دواوين الشعر
بحب القصص الحكايات الروايات المقالات


لو ممكن تشتغل شغلانة تانية غير اللى انت بتشتغلهااو كنت بتشتغلها كنت تتمنى تبقى ايه؟؟
ممكن سواق تاكسي على الاقل هقابل كل الانماط و الشخصيات هسمع كتير
و هستفيد اكتر


ايه تانى بلد تتمنى تعيش فيها بعد مصر؟؟
حاليا مفكرتش

اوصف ليا ترتيبات اجمل فرح ممكن تحضره؟؟
نادرا ما احضر افراح بس شغال جنازات الله ينور

.
بتراعى كلام الناس والقيل والقال؟ لو اه او لو لا قولى ليه؟

اه و لأ ساعات احب ارد على الكلام
.
صحيت من النوم مالقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنة حتبقى سعيد؟
لأ لأني شوفتهم في حياتي اما لو مشوفتهمش فده هيتوقف و اجابتي هتكون نفس اجابه السؤال الجاي

السعادة هى؟؟
القناعه و الرضا
.
عندك امل ؟ اسبابك ؟
لأ
مفيش فايده


لما تحب تهرب من كل شىء بتروح فين؟؟

للكومبيوتر

امتى اول مرة اخدت فيها نفس طويل كده وقلت بينك وبين نفسك ياااااه انا فعلا كبرت؟؟

لما بشوف اولاد اخويا
.
لما بتعمل عمل خيرى بيكون ايه هو دافعك الاول؟؟

مبحبش اتكلم لأن ده حاجه بيني و بين ربنا بس

بتشرب سجاير؟لو الاجابة اه ايه شعورك لو شفت ست بتشرب سجاير وليه؟
لأ
زي ما بشوف الراجل بس غالبه بتبقى ممكن اركز بدون قصد لأنها حاجه غريبه على المجتمع


بتعرف ايدك اليمين من الشمال ازاى؟
بحسنه في ايدي اليمين

ايه اكتر اله موسيقية بتحبها؟
محبش اسمع اله معينه ممكن اسمع الموسيقى على بعض

فى رأيك ليه الذوق والنخوة اتعدموا؟

موجودين بس نادرين و ليسوا منعدمين

ايه الحاجة اللى لو حصلتلك تبقى سعيد قوى؟
النجاح
سواء في الدراسه
او في العمل
او في الحياه

تختار يبقى عندك ارض زراعية ولا اجنص عربيات ولا كام عمارة ولا فلوس فى البنك؟
مصنع

البحر ولا النيل؟؟؟
الارض
احب الارض تحتي تكون ثابته
لو على القاعده قامه يبقى احسن قاعده فوق كوبري ستانلي

مركب ولا طيارة؟

قطر
زمان كان نفسي ابقى سواء تروماي او مترو او قطر بأختصار اي حاجه تمشي على قضبان

.
عاقل ولا مجنون؟

في حد يجاوب على كل ده و يبقى عاقل

تقرا كتاب ولا تتفرج على فيلم
؟
حسب الحاله المزاجيه بس في الطبيعي القراءة هي عشقي من و انا في اولى ابتدائي

بتمرر التاج لمين؟؟

لازم اكون ديبلوماسي
لأي حد يزور البلوج او انا زرته و علقت عنده

15 comments:

mesh2dra said...

السلام عليكم

جيت عند سؤال
عاقل ولا مجنون
واستنيت الاجابة
ده انا لو لقيتك كاتب عاقل
كنت اعتبرتك مجنون
بس بما انك معترف بالجنان
فانت تعتبر عاقل


أبشر يا ابني


معندكش امل
الله ياخد اليأس

اجاباتك غير متوقعة
بس ضحكتني

خايف تبقى من الكفار
تصدق حاجة ماجتش على بالي وانا بختار العهد
ههههههههه

يالا سلاماتي

http://kasperb4.blogspot.com/ said...

لا والله فعلا اجاباتك جميلة ومفيهاش اي تكلف ولا رغي
تصدق انا بردو كان نفسي اسوق مترو وكنت بحلم بيها وانا صغير


اييييييييييييييه دنيا محدش بياخد اللي على مذاجه

يالا بقى
كل سنة وانت طيب

Unknown said...

البلوج جميل اوي يا محمد باشا
يا عيني عليك لو كنت من الكفار كان زمانك متعلق فوق
اجاباتك جميله اوي
تحياتي

ما علينا said...

الحمد لله
الحمد لله
الحمد لله

انا جاوبته خلاص قبل كدا

بس ايه الاجابات
الغير متوقعة دي
لكنها طبيعية جدا منك

الحوار فعلا بيبين جزء لايستهان به من الشخصية

المرء مخبوء تحت لسانه
فاذا تحدث ظهر


مفيش احسن من شغلانة
تخليك تتغلل في نفسات البشر
وافكارهم


انا هاعد بقى كل اللي جاوبوا التاج
علشان اعرف في كام مدون مجنون
تبعا لتصريحك

Unknown said...

mesh2dra
طبعا مجنون
بس انتي واضح انك كان عندك شك كبير في حالتي العقليه
كل زمن تختاره اكيد في الكويس و الوحش و لاو اخترت زمن غير اللي فيه ممكن لجل حظك المنيل تطلع من الوحشين اللي فيه
غير متوقعه ايه بس انا حاول اجاوب اجابات نمطية

Unknown said...

آلام وآمال
انا حتى الان نفسي و خصوصا القطار

Unknown said...

ما علينا
لأ محبكش و انت كده
انتي عاوزه تقلبي الدنيا عليا و تقولي تصريحاتك
هو انا المتحدث بتاع البيت الابيض و انا مش عارف
لازم بقى ناخد مرشدير و نتراجع عن التصريحات
احم احم
انا اقصد اكيد مفيش واحد يجاوب الاجابات بتاعتي و يبقى عاقل
عديها بقى قولي ما علينا زي اسمك
تاني اجابات غير متوقعه
دي اكتر مره جاوبت نمطي جدا يلا اهو زكاه مني بمناسبه الفطر

el_assel said...

ازيك يا اهلاوي


ما تقلقش عليا
انا لسه عايش
ولسة برده بحب الزمالك


اجاباتك صريحة جدا
ومقنعة

سلام يا باشا

Anonymous said...

إزيك يا مخرف يا كبير أوي
أول مرة أحس إنك مش بتخرف ولا بتهيس هنا
مع إنك حاولت
بس طبيعتك الطيبة غلبت على الإجابات
كده إنا اتطمنت عليك يا ابني
ربنا يستر
منى المحمودي

Che The Hermit said...

اول تاج مبروك يا راجل عموما اجباتك حلوة خاااااااااااالص وعموما متخافش انك تبقي من الكفار دا انت اسمك حتى محمد :)
عايز تبقي سواق تاكسي اقرا كتاب تاكسي جامد علشان لو فكرت تشتغل سواق تاكسي تبقي عارف تفكيرهم ازاى :)

صحيح قبل ما أنسي ليك عندي تاج

تحياتى ..،
تشي الحزين

Unknown said...

el_assel
لسه بتشجع الزمالك ده متوقع
بس لسه عايش مظنش هتستمر كتير في ظل الاخبار الغريبه بتاعه الايام دي

Unknown said...

wa7dania
طبيعتي غلبت
يا خساره انا كان نفسي افضل اخرف هنا بس يلا مش مشكله
بس اي طيب دي
انا مشس طيب
انا شرير

Unknown said...

Che The Sad
التاج وصل بس اعزرني
هتأخر شويه في الاجابه عليه
عشان اكتب اي موضوعه جديد و بعدين التاج
حكم انا دماغي مكربسه و عاوز افضيها

غمض عينيك said...

اجابات حلوة ياباشا
وخفيفة الدم زي صاحبها
بس احلاها اجابة اول سؤال
ضحكتني وانت بتقول انك كنت خايف تطلع من الكفار

حلوة

محمد سمير

Unknown said...

اي زمن هتختاره ممكن يكون اسوء مما فيه
ممكن تخطار ازمنه جميله جداو لما تروحها تنلاقي نفسك النقطة السوداء اللي فيها و انا بصراحة ندمت بعد اختيار الزمن عشان لو علمتم الغيب لأغترتم الواقع

Google