Monday, October 8, 2007

مقطتطفات من يوم غريب



يوم من اغرب الايام اللي شوفتها في حياتي تعبت جدا روحت الشرق و الغرب و كانت لفه ما بين الجيزه ووسط البلد و قابلت ناس غريبه جدا



مكتب التنسيق

بدأ اليوم بمكتب التنسيق مشوار مش عارف ايه لازمته هو واحد طلب خدمه لواحده ابوها مسافر و لوحدها و من اسكندريه و ثانويه عامه من خارج مصر و استنفذت الرغبات ( انا برضه اللي جيبت خبر استنفاذ الرغبات ليها ) مطلوب مني اكتب رغبات جديده نزلت محطه الجامعه و مشيت لغايه المدينه الجامعيه مقر التنسيق من اسبوع قالولي نقول المقر اتمشى لمدريه امن الجيزه المهم بعد ما اتمشيت للمقر يجي ساعه الا ربع و نعل الجزمه تأكل اهو يلا كله خيبر في رمضان وصلت الكتب هو مش مكتب بالمعنة هو سور حديد و بوابه قدامهر رصيف نص متر العربيات راكنه عمودي عليه فالمفروض الناس من السور ده للجزء الفاضل من الرصيف يعملو طوابير لقيت كتله بشريه متهيألي دي مشفهاش في حته الا لو كانت جمعيه بتقول انها بتوزح لحمه ببلاش
وقفت 5 دقايق اتأمل الموقف و ادرس الموضوع ازاي اخش و احاول اشوف حد اسأله لأني عشان اخش قدامي ساعات قلت في الاخر اخش يمكن اطلع بصابونه دخلت الطابور و انا في وسط الخناقات الاقي الست من دول تديني الكتف تطيرني و تزاحم جامد و انا احاول ازاحم انا كمان الاقيها بتبصلي من فوق لتحد و تقولي مش تحاسب ابص ليها بزهول و مرداش اتكلم ما احنا في رمضان بقى .
و شويه عرفت سبب من اسباب الزحمه ان الواحده من دول داخله الطابور و معاها بنتها و اختها و بنت اختها و هي داخله تسأل و الباقي داخل يساند نقول ايه في الشعب المصري و برده الاقي الشعب المصري بيتألق و الاقي كل شويه واحد يزقني من ضهري ابص ليه من فوق لتحت يقولي انا هخش اسأل سؤال بس ارد عليه اقوله الجمله المأثوره انا و كل اللي قدامي داخلين نسأل سؤال
و الناس تتخانق و تشتم و اللي يقول هشتكي الوزير و كلام كتير بس بعد ما سمعت شكوى من الشكاوي قلت الموظفين على حق و الحكومه على حق واحد بيقول انا كاتب رغبه اولى كذا و رغبه تانيه كذا جات لبنتي الرغبه التالته انا عاوز احولها للكليه اللي انا كاتبها في الرغبه التانيه
في الزحمه دي الموظف قعد يفهم فيه 10 دقايق ان مدام الرغبه مجاتش و اتعدت يبقى اكيد مجموع البنت ميجبهاش و الراجل اللي في دماغه في دماغه انه عاوز يحول لبنته في الرغبه التانية
فعلا الناس دي كلها تستاهل
لما 48 رغبه واحد او واحده تستنفذهم من غير ما تجي كليه يبقى استهتار طبعا
ده مستقبله مستهتر بمستقبله للدرجه دي
و المصيبه التانيه اللي عاوز يحول
طب هو انت من الاساس ليه محطتش الكليه اللي عاوز تحولها قبل اللي انت كتبتها
مش هنسى ظرف التنسيق لما خدته
قريت الكتيبات اللي معاه كويس
و عرفت ايه الكليات اللي فاضل فيها اماكن و رتبتها على حسب الاماكن اللي ممكن ارحها
مكتبت هندسه اسيوط مثلا قبل تجاره
لأني عمره ما اروح ادرس الهندسه في اسيوط
اللي اقدر اقوله انهم يستاهلوا الي هم فيه لأن كان قدامهم الفرصه هو قاعد في بيته بيشرب شساي يفكر كويس و يشوف البدايل كويس


بنك مصر

كان ده اول اصطباحة اليوم طلعت من هناك على بنك مصر الرئيسي اللي هو في محمد فريد
و انا ماشي في شارع محمد فريد ندهتلي سيده دون السبعين و فوق الستين تعالى يا واد اسندني روحت رجعت و لفيت ايدي عشان تسند عليها راحت مسكت ايدي و لفت معصمي بحركه مفاجه بصت على ايدي من ناحيه العروق و سندت و احنا نازلين من على الرصيف ندهت على واحد تاني تعالى يا مهزق نزلني هنا يا واد راح الراجل نزل معايا و طلعها على الرصيف التاني و احنا ماشيين عماله تزق في دراعي و تشد جامد لغايه ما وصلنا البنك المركزي زقتني على العسكري و تقولي دوس العسكري ده على حسابي الراجل اول ما شافها رحب بيها سألته عندكم فلوس جديده يا واد قالها لأ في بنك مصر المهم روحنا بنك مصر برده نفس الكلمه دوس العسكري ده على حسابي و عمال تزق و تشد فيا و العسكري ازيك يا حاجة طلعنا البنك راحت الست مغيره الوضع راحت مخلياني قدامها و اسكه في ايايا الاتنين و عمال تزق فيا و تقولي انت اصطبحت بوش مين النهارده عشان تقابل واحده عجوزه زيي قبل ما ننزل الخزينه كان في ظابط جيش نازل راحت قالت تعالى يا ظابط خدني معاك نزلني تحت الراجل راح جاي بجنتله المصريين تعالى امشي انت انت تعبت و التفت و خارج سامعها من خلفي ايه ده انت ظابط جيش مش ظابط داخليه حسيت بعد ما مشيت بألم جامد في دراعي من الزق و الشد.
في بنك مصر الرئيسي اعرف ناس كتير جدا في ادارات مختلفه معرفه شغل النهارده على عكس العاده و عكس عقارب الساعه في مصر الموظف هو اللي عيد عليا اداني ربع جنيه بحاله و انا قدانه لقيته بيطلع فلوس و مديني ربع جنيه و صممم حاولت ارجعه ابدا لازم تاخده مش هخلصلك شغلك الا لما تاخده انا فكرت حتى اخد الربع التذكاري الرهيب سكان على الاسكانر بتاعتي و اعرضة ليكم هنا بس قلت احسن يبتعملي قضيه تزويرو لا حاجه ( ملحوظه هامه جدا مش معنى اني اعرف ناس في بنك مصر ان حد يقولي هات فكه عشان انا مكفي نفسي فكه انا و الشغل بالعافيه اصل اي حد يقابلني اليومين دول يقولي معكش رزمه 50 قرش معاكش رزمه جنيهات لغايه ما اتعقدت من الفكه )

البنك الاهلي و الخمسه جنيه

و انا في بنك مصر جاني تليفون اقابل صاحب الشركه في بنك الاهلي الرئيسي قلت كويس اهو تعديه شارع و مش هتمشور المهم عديت وواقف قدام البنك كانت هناك حرب مروريه حول ركن العربيات خصوصا ان في عربيات كتيره من بتاعهع نقل الفلوس مش عارف في ايه
في وسط الحرب سيده كبيره في السن و عسكري ماشي معاها المهم العسكري شاور على العربيه بتاعتها راحت مدياه 5 جنيه هتقلولي عرفت منين انها 5 جنيه اصل العسكري مخافاهاش عسكري جنبه قال ايه ده 5 جنيه قال اه راح رايح جري يفتح ليها باب العربيه اللي ورا عشان ينوبه من الحب 5 جنيبه و لسيه هتطلع اتلمت المجاعه على العربييه 2 كناسين كمان و بعد ما اتوزعت التركه و العربيه بدأت تتحرك ظهر البعبع امين الشرطه بعبع الميكروباصات و التاكسيات اللي عمال ينده الونش و يشد في العربيات خبط برقه على القزاز و قال انا و الله ما خدتش الست الظاهر تعبت من الدفع رفعت القزاز الكهرباء و مشيت عرفت النهارده اد ايه الخمسه جنيهات تصنع المعجزات تخلي العملاق قطه و البيه غلبان و الطاغيه انسان ( حلو حته السجع دي )

حته ملهاش لازه نختم بيها

من فتره كبيره جدا مشترك في المجموعات البريديه و المنتديات و في حتت قضيت فيها احلا سنين في حياتي في مناقشات في كل حاجة و اي حاجة جد و لعب و تهريج و كل انواع المواضيع من ضمن المنتديات اللي اشتركت فيها منتدى طلع قرار اه هو متنفزش فتره طويله بس كمنت متفق بشده معاه قال انه منتدى خاص بالكوره بلاش حد من الاعضاء يرسل رسايل دينيه عشان لان محدش يقدر يحكم عليها و يعرف اللي فيها صح ام خطأ او حديث مغلوط او خلافة و عملوا لائحه عقوبات للمخالفين مغلظه قريبه من رسائل الاستفزاز و الخارجه لأن كان من وجهه نظرهم الرسائل الدينيه المغلوطه اخطر من اي استفزاز و اخطر من اي خروج عن النص .
و في نفس المنتدى عملو لائحه عقوبات للي ينقل و ميقولش المصدر دي حاجه بقولها بس عشان الرسائل الدينيه كترت جدا مجهوله الهويه و النقل كتر جدا اصعب احساس على الشخص ان يشوف اللي كاتبه بتوقيع شخص تاني .
اخيرا وجهات النظر و الاراء نسبيه ممكن حد يشوف ان وجهه نظرك غلط و انت تشوف انها صح عادي جدا في الحياه
دكتور الله يمسيه بالخير نبه علينا في بديه السنه الدراسيه السنه اللي فاتت انتو في دراسات عليا متجزمش ابدا بأي حاجه لما تحب تقول حاجه تقول انت شايف من وجهه نظر متقولش هي كده و مينفعش الا كده

ايه لازمه الكلمتين اللي في الاخر دول مش عارف اعتبرها تخاريف واحد راجع البيت مش قادر يحرك رجله من التعب و الارهاق

27 comments:

Anonymous said...

كالعادة
مش بعرف أسيب تعليق
نفسي أفهم دماغك
هي غريبة أوي
بس متميزة جداااا
جداااا
تسلم
منى

http://kasperb4.blogspot.com/ said...

تصدق بقى ان اهم فقرة في موضوعك هي الفقرة الاخيرة اللي مش عاجباك دي

انا معاك جداا في كل كلمة قلتها فيها
تحيتي ليك وكل سنة وانت طيب

Muhammad Mammdouh said...

بمناسبة تخاريف
عليك ان تنظر الى جيدا وانا القى عليك السؤال ولهذا حكمة
هل انت من المؤيدين لى ولحكمى وحكومتى
ام لا قدر الله من المعارضين
ولا تنسى انت فى قلوبنا
...............
شكرن سيدى المواطن
الا من حق هو فى اية

فتافيت سكر said...

السلام عليكم ورحمة الله وبركاته

ياااااه كل المشاوير دي في يوم واحد !! ده انا لو رحت حاجة واحدة منهم هرجع مش شايفة قدامي

خصوصا الطوابير والنظام ده

ربنا يكون في عونك
وكل سنة وانت طيب


سلاماتي

ياسمين

Hadota ... حدوتة said...

يا خبررررررررررر
البوست دا يتعمل بالميت 12 او 13 بوست
ويتقرى بالميت برده فى 25 يوم


ايه يابنى كل دا

انت تلاقيك بقالك فترة متكلمتش مع حد ومصدقت


اولا مكتب التنسيق دا ربنا يجعلك زخرا للغلابة والمساكين

ولازم تبقى عارف ان دا الشعب المصرى
يعنى الواحد يبقى واقف يقطع تذكرة مترو يلاقى 15 على الشباك .. اصل تلاقى كل واحد واقف بعيلته

بالنسبة للربع جنيه كويس انك معرضتوش يعنى كان زمانك اتحسدت هوا انت ناقص قر؟؟؟؟؟



انت متعرفش ان دلوقتى ان النص جنيه بيعمل شغل مش الخمسة جنيه؟؟ هوا حد لاقى؟؟؟


كلام الدكتور بتاعكم صح .. بس خالى بالك لما تيجى تحكم على حاجة تبقى عندك خلفية .. فيه ناس يقولك انا اعتقد وانا احبذ عن جهل وبيبقى شكله عبيط اوى ودا غالبية الشعب المصرى اللى فاكر نفسه بقى من الخبرا الاجانب

ابن رشد said...

و الله انت زي العسل
بس يومك مكنش طويل شوية

Unknown said...

wa7dania
دماغي عاديه جدا ده حتى عندي صداع اهو

Unknown said...

آلام وآمال
برضه انا مش مستسيغها خالص و كنت بفقكر امسحها

Unknown said...

mo7amed mamdo7
في تشاتبه كمتيرؤ هو محمد صبحي و انا برده محمد صبحي
هو عمل مسرحيه تخاريغ
انا عملت مدونه تخاريف
بس في فرق كبير جدا بيني و بينه


مفيش حاجة

Unknown said...

أمانى وياسمين
و عليكم السلام و رحمة الله و بركاته
انا رجعت شايف قدامي بس مش قادر اقف على رجلي
تصدقي بعد ده كله كانو عاوزني ارجع المكتب مروحش

el_assel said...

كل سنـة وانت طيبة
وعـــيد سعيـــد
يا أهلاوي

mesh2dra said...

السلام عليكم

يوم طويل
بس خلصت من كام مشوار
عادة انا بحب اكركب كل المشاوير في كام يوم عشان اخلص
*
*
طنت اللي ادتك كتف دي لذيذة اوى فيه منها كتييير
ويا سلام بقى لو كتف قانوني هى اللي مدياهولك وتقولك مش تحاسب يا أستاذ انا مش عارفة بياكلوا ايه دول على الصبح
ساعتها يكون ردك .. .. الله يكتر من أمثالك
*
*
لو فيه حاجة ضايقتك
صورتين وعلى البلوج بتاعي طيران وتلاقي الخبر منشور في الجورنال اللي تشاور عليه :D
أنا قريبة وزير الاعلام - بس في سرك

*
*

كل سنة وحضرتك طيب

سلاماتي

ناردين said...

كل سنة وانت طيب وعيد فطر مبارك وسعيد عليك وعلى كل حبايبك
..
سما وناردين

كلاكيت تانى وتانى said...

انت عملت انجاز فى يوم واحد مشوار البنك دة فحهد ذاتة أنجاز تعرف انها اول مرة العيد دة ملاقيش فالبنك فلوس جديدة والناس ماشية بتعيد بالفلوس القديمة بس حهتى الحهاجات البسيطة دى اللى بتفرحهنا منعوها عننا ناقص كمان يمنعوا العيد
كل سنة وانت طيب وياريتنى كنت اعرفك كنت سواء رضيت ولا لا هقولك عاوزة رزمة جديدة
تحياتى

Unknown said...

Hadota .. حدوتة

ليه كل ده ده بوسط صغنتوت
يدوبك بيحكي 5 ساعات او اقل غير اني منتجت فتره المواصلات
بس أعتقد محدش بيحسد التاني دلوقتي على الربع جنيه
بالنسبه لطابور تذاكر المترو فده يعتبر مش طابور بالنسبه لمزبحه التنسيق

Unknown said...

shams
و لا طويل و لا حاجه ده حتى يوم في رمضان يهني مروح بدري

Unknown said...

el_assel
عيد سعيد على الجميع اهلاويه و زمالكاويه

Unknown said...

mesh2dra
و عليكم السلام و رحمة الله و بركاته

يا ريت في مشاوير تخلص هو كده كل يوم
الست دي غريبه جدا بس تحس انها اضغر من سنها كتير اوي نقول ايه بقى جيل اتلسمنه البلدي

Unknown said...

نارديــــــن
و انتي طيبه و بألف صحة و سعاده

Unknown said...

كلاكيت تانى وتانى
الجديد بيوصلني هوم دليفري كوسه لابقى
و فلوس تدبح
انا لما اخش بنك مصر الاقي كل موظف بيغيرله الفين تلاته لأصدقائه
و قابلت واحد مره بيشتكي انه مش عارف مين عاوزه يغيله 10000 جنيه
فطبيعي المواطنين ميلقوش جديد

Coca said...

coca said...
لا طبعا همسحه ليه ومش هيافه ولا حاجه بالعكس
انا بس مأخدتش بالي والله
البوست بيتكلم عن ان د إياد حروفش صاحب مدونه للفجر نغرد كان اقترح انشاء زي جماعه قد تكون حزب في يوم من الايام بس احنا قابلناه من حوالي اسبوعين الفكره انها عباره عن ندوه بنتناقش فيها في مواضيع كتير والاستفاده اكيد هتبقي من كل واحد بيعبر عن رايه وفكره
وتقدر تتعرف علي مدونه د/ اياد من اللينكات اللي سايباها في البوست

October 15, 2007 1:52 PM
دا ردي عليك في البلوج
مش عارفه يابر يفيدك

غمض عينيك said...

هي فعلا مواقف غريبة
وكفاية يوم التنسيق ده
وكله كوم وحكاية "هاسأل سؤال واخرج دي" وتلاقيه دخل نام جوه وخلص ورقه وورق عيلته كلها

ربنا يعدلها
محمد سمير

Unknown said...

اولا أشكرك على زيارتك مدونتى رغم انى ما زرتكش و لا مرة بس انت عارف ان النت عندى كان قطع و اهو رجع و الحمد لله

ثانيا و الله يا ابنى ايام مكتب التنسيق دى و اللف و الدوران كانت اجمل ايام بكرة تقول ربع ساعة منهم بس يرجعوا

ثالثا هى الصورة الى فى البروفيل دى بتاعتك ؟

Unknown said...

coca
انا قلت يمكن تحبي التعليقات في صلب الموضوع و انا خرجت عنه قريت موضوع الندوه بس فعلا انا ي حاله مش قارد افكر ارد حتى من التعب يخرب بيت البرد و سنينه

Unknown said...

غمض عينيك
كل يوم حكاوي من دي و كل طابور في حيات هتلاقي اللي عاوز يسأل ده
و كأ السؤال يعفيه من الدور

Unknown said...

عاليا حليم
الاول اهلين بيكي في مدونتي
التنسيق يبقى جميل لما احدد مستقبلي انا لما اختار انا
اما انا عاملها خدمه
روحت التنسيق 3 مرات
مره قبل دي و مره بعدها
اللي قبليها عشان اعرف دخلات فين
و دي جيبت استماره تملاها و بعتها اسكندريه و الاخيره عشان اقدمها و اخد راحت كليه ايه
اما عن صوره البروفايل هي صوره اتصورلاتها من حولي 4 او خمس سنين

Lapa said...

There are three kinds of women:

the pretty ones

the ugly ones

and the blondes...

CRISTÓVÃO DE AGUIAR

Google