Friday, November 9, 2007

مناظيييييير

مليش نفس أكتب جديد في أعلى حالات الأكتئاب و القرف و الخنقة و القلق من الاخر عامل كوكتيل جامد جدا فممكن يأثر على اي حاجه اكتبها فقلت اروح للقديم تقريبا كنت كاتب الكلام اللي جاي ده اللي ملوش معنى من سنتين بس كده عشان اكتئابي ميتنقلش ليكم و ممكن ده يكون فرصه للمقارنه بين اسلوب كتابتي دلوقتي و زمان ايه .




ماشي انا و صاحبي و انا قرفان في حته ضلمه كحل و منتظرين اي حد يقلبنا في السكه لقيت مش عماره لأ دور واحد من غير سقف يعني ممكن نقول مشروع بيت من دور واحد و فشل
قلت لصاحبي ما تيجي نشتري الارض دي
قالي فكره و نعمل عليها مشروع ....
قاطعته و قلت بدل ما تفكر في مشروع انا عندي منظور تاني للأرض دي
قال و ايه منظورك للأرض دي
قلت عاوز اهدها و احط عليها يافطه الارض ليست للبيع او للأيجار او للبناء و اسيب الناس ترمي فيها زباله لغايه ما تبقى خرابه
قال و الله طب و انت هتستفيد ايه
قلت اصل انا عندي منظور تاني خالص الزباله هتكتر هروح جايب عربيه نقل و شايل الزباله
قاطعني و هتبعها ؟
قلت انت منظورك ضيق اوي انا منظوري اوسع من كده انا هاخد الزباله ارميها في خرابه تانيه عشان انضف خرابتي
قال و الله طب ايه لازمتها
قلت مش ممكن في وسط الزباله واحد ابن حلال يرمي زكيبه مليانه فلوس ساعتها تتوقع هعمل ايه في الفلوس دي
قال معرفش
قلت ايه رأيك انت اعمل ايه بالفلوس
قال انا لو لقيت فلوس هعمل مشروع و لسه هيكمل قاطعته
قلت لأ انت منظورك ضيق اوي انا اصلا هعرف منين ان في فلوس انا مش قلت لك اني هاخد الزباله هرميها في خرابه تانيه من غير فرز ساعتها تبقى زكيبه الفلوس من نصيب صاحب الخرابه التانيه و انا اصلا كل ما أرمي حموله عربيه هدعي ان لو فيها فلوس و حد خدها ميتهناش بيها
بصلي بصه غريبه و قالي كل ده دعاء
قالي طب ايه رأيك تحت الخرابه نعمل سرداب نتاوى فيه
قلت لأ انت منظورك ضيق لأن ريحه الخرابه مش هنستحملها



اكيد مدام وصلت للجمله دي انك دلوقتي بتلعن في كل مناظير الدنيا بس اعذرني واحد مكتئب و بيطلع قرفه و كمان مفروض تشكروني لأني مكملتش باقي المناظير في اللي حصل بعد كده
حد عنده منظور تاني

40 comments:

http://kasperb4.blogspot.com/ said...

ههههههههههههه
لا واضح انك مكتئب فعلا ربنا ييسر لك الحال
بص انا يمكن مكتئب زيك كده بردو وان اختافت الاسباب
بس صدقني مش هيفيد بحاجة ولا هيغير حاجة
هي فترة احنا بنقنع نفسنا فيها ان الدنيا اسودت في حين ان ممكن نكون احنا السبب ف السواد ده

حاول تخرج بسرعة من المود ده

ولما تخرج ابقى تعالى قوللي خرجت ازاي عشان احصلك
:D :D

Unknown said...

محمد هو انت شغال جراح مناظير
عاوز أشاركك في مشروع الخرابة بتاع الزبالة .. والله العظيم الزبالة بتجيب دهب
انا مش مكتئب يا عم، وزيارتك لمدونتي زودت سعادتي .. قلت أزورك يمكن تفك الاكتئاب شوية.. أخرج من البيبان الحر الضيقة بسرعة

Unknown said...

هههههههههه و الله انت عسل
ابقي شوفلي ارض جنبك اعملها خرابه انا كمان
من منظوري الواحد يبيع الزباله اهو مكسب بردو

Che The Hermit said...

تصدق فكرتني بيا لما بهيس مع حد من ولاد عمتى بس هما بيكون منظورهم واسع اوى وبنعيش اجمل اوقات وبنلاقي افكار زى الفل بس ما خرتش ابا علينا حكاية الخرابة دي

احييك على منظورك الواسع اللى اوسع من مناظيرنا

تشي

الـسـيـدة نـون said...

انا منظورى افقى ينفع ولا مايمشيش مع منظورك الضيق

مدحت محمد said...

ماشاء الله ماشاء الله
لسة بقول ياصبح
والله
اقرا حاجة عن الاكتئاب هو يوم باين من اوله
الحمد لله انك مكملتش بقية المناظير بتاعتك
ربنا بيحبنا
هههههههههههه
سلاموز

mesh2dra said...

السلام عليكم

ههههههههههههههه
كفاية مناظير

كل واحد عنده مناظيره اللي مقتنع بيها

على فكرة اكتر من كده وربنا بيزيح
:PPP

سلاماتي

Unknown said...

حلوة المناظير ؟
ههههههههههههههه
بس بلاش منظار هد الدنيا و قلبها لأيجار خلينا نعمر ها أحسن و لا انت شايف أيه ؟ :)

Desert cat said...

والله هو انا من منظورى الخاص
انه احلى مشروع نشم كوله

Anonymous said...

اه يا عمونا فكها بقي

وتعليقك عندي اكتئاب بردو

ياعم ان شاء الله هتروق وتحلي

اعمل بس انت ثورة علي نفسك وجاهدها

واتحدي اي صعب

وربنا يكرمك يا صديقي



ابقي شوفلنا بقي متر الخرابة بكام عشان اشارككم

:)

المهـ إلي الله ـاجر said...

فرج الله كربك وشرح صدرك يا اخي

Esmat said...

والله يا محمد انا شايفة
طالما جبت سيرة مناظير وخرابة
تبقى مكتئب جدا
بلاش
إحنا عايزين نلم نفسنا
وندور على دكتور كويس يعالجنا
من موجة الاكتئاب دى
بس يا خوفى ليطلع الدكتور كمان مكتئب
فرفش بقى وسيبك من الافكار الوحشة
يا رب تكون بخير
وتحياتى لك

Anonymous said...

ريحته وحشة أوى المناظييييير ده......... يا ساتر

Unknown said...

آلام وآمال
لا مش دلوقتي خالص الخروج من المود ده احنا داخلين على ايام سوداء

Unknown said...

يوميات عيل مصري
كل ما هقول اخرج من الاكتئاب تحصل حاجه تزوده تاني بس دلوقتي مبقاش اكتئاب بقى خوف من بكره

Unknown said...

EmY
ربنا يخليكي
و اناشايف ان مكسب الزباله كويس جدا

Unknown said...

Che The Sad
لما تكتئبوا هتطلعو مناظير كتير من دي

Unknown said...

بت خيخة وأى كلام
انا بيمشي معايا اي منظرو افقي رأسي
اي حاجه

Unknown said...

doha
حظك وحش بقى نعمل ايه بس كان مفروض اكتب تحذير ان محدش يشوفها على الصبح

فرنسا هانم said...

وانا هشترى البيت اللى قدامكوا واهده
واعمل خرابه منافسه
مع هديه لكل رامى زباله
وابنى بينى وبينكم جدار عالى
واجيب بنص فلوسى مبيدات حشريه
علشان انظف الخرابه كل يوم
والنص التانى
اجيب
مناديل ورق
علشان اعيط براحتى على فلوسى اللى ضاعت لما مالقيش الشنطه اللى فيها الفلوس

عليوه said...

على فكره بقه انت منظورك ديق فعلا انت وصاحبك لان مين من الاساس هيسيبكو تشتروا وتهدوا وتعملوا خرابه ومين من الاساس سمح لحضراتكوا تتخيلوا وتحلموا حتى لو بخرابه وكمان تحلموا بزككايب فلوس ده انتوا منظوركوا ديق اوى ومساء المناظير

Che The Hermit said...

محمد باشا
اولا ازيك
ثانيا انا جاى اقولك ابقي شاركنا
http://cheeeeeez.blogspot.com/2007/11/blog-post_15.html
مستنيك

تشي

Che The Sad said...

محمد باشا

البلوج بتاعى اتهاك عليه الجديد اهو
http://cheeeeez.blogspot.com/

تشي

el_assel said...

انا من منظوري للمنظور اللي انتي كتبه ده
شايفك ان منظور واسع شوية

ربنا يقدرك وتخققه

ارسم بالرصاص said...

المرة دي تخريفتك ليها منظور مختلف عن المنظور اللي كنت متمنظر منه قبل كده ..

يااه يامحمد .. ربنا يارب يبعد عنك وعنا الاكتئاب .. تعرف رغم كل ظروف الحياة المحيطة واللي بنسمعه عن النظرة المستقبلية القاتمة الا اني عندي أمل كبير أوي ف الله سبحانه وتعالى انه يوجد لنا فرج كبير . بس احنا نسعى

تحياتي ليك ومش ح اقدر انكر انه كتاباتك الساخرة رغم انها لاذعة لكن بتدخل بسمة على قلوبنا ..

يظهر شر البلية مايضحك ..

تحياتي ليك والسلام عليكم ورحمة الله وبركاته

هايدي

Unknown said...

mesh2dra
لأ اكتر من كده بيزيح معتقدش ان في اكتر من كده

Unknown said...

عاليا حليم
مفيش امل تتعمر

Unknown said...

Desert cat
انت يا راجل متعرفش الكله بقت بكام

Unknown said...

مصراوي أوي
عادي الاكتئاب بقى سمه من سمات الشعب المصؤري

Unknown said...

المهـ إلي الله ـاجر
امين

Unknown said...

Esmat
بس انا مقدرش على بونديره لدكتور

Unknown said...

Anonymous said
ريحه الخرابه اللي وحشة

Unknown said...

فرنسا هانم
ليه كده التقطيع ده

Unknown said...

عليوه
ربنا يوسع علينا منظرنا يا رب

Unknown said...

Che The Sad
هضيف بلوجك الجديد و اشيل القديم

Unknown said...

el_assel
واحد يقول ضيق وواحد يقول واسع مترسو على بر

Unknown said...

ارسم بالرصاص
اشكرك على الكلام الكبير ده اللي يصعب على امثالي فهمه و الف شكر على رأيك في كتاباتي

Che Ahmad said...

محمد باشا
ايه يا مان الغيبة دي كلها
متبقاش تغيب كدا
مستني البوست الجديد

تشي

ما علينا said...

كل دي مناظير ولا نقول منظورات

الا مناظيير دي طبية اوي

كل دا من الاكتئاب

بس تعرف ما تقلقش لسه في امل في حالتك
طالما عندك الكم الهائل من المناظير دا

اصل حالتك لو قفلت خالص
المناظير هاتتسد ومش هاتبقى لا واسعة ولا ضيقة

وبعدين يا سيدي
خليك بمنظور واحد
بص بيه للسما وقول يا رب

Unknown said...

ما علينا
الحمد لله الاكتئب خف و قلب احباط بس

Google