Sunday, December 16, 2007

كوكتيل

من اسبوع تقريبا دخلت فيلم هي فوضى قبل ما اخش الفيلم قريت عن الفيلم من النقاد انه من افضل الافلام هذا العام و الفيلم يتميز بالجرأه و كلام كتير فدخلت الفيلم و انا مستني انبهار مش عارف ليه خر جت من الفيلم عاجبن و مش عاجبني و ربنا يستر و محدش يقولي انت مخالف و خلاص
عجبني فكره الفيلم جدا امين الشرطة بطل الفيلم و عجبتي قصته و عجبني تمثيل خالد صالح و تقمصه الدور ببراعة
الفيلم ماشي زي الفل لغايه اخر ربع ساعه
مش عارف ليه حسيت انه قلب فيلم عربي
الفيلم اتغير تماما الاول اقتحام وكيل النيابه القسم و تدمير الحواجز و اقتحام القسم بالقوه
هل ده ينفع يحصل في مصر ؟؟؟؟؟
نزل فتش الزنازين عادي سلطه التفتيش من حقه و مرافق ليه المأمور و الظابط
مش الطبيعي و هو خارج يوصلوه للباب و يودعوه
لأ ده طلع قعد في اوضه لوحده من الاسم و طلعلة الفراش اللي مش قادر يتحرك هوا وراه و اعترف له فين الظابط و المأمور سابوه لوحده
بدون مقدمات اندلعت الثوره ضد امين الشرطه حاتم بالتزامن مع اقتحام وكيل النيابة
مش عارف ايه سبب المظاهره المفاجئة دي رغم ان الاغتصاب كان حصل حسب تزامن الفيلم تقريبا من يجي اسبوع على الاقل
فجأه افتكر كل واحد مشاكل الامين و اتظاهر لما ده جوه
لأ و مظاهره غريبه و بتخترق الامن بسلاسة
رغم ان الشعب المصري خناقه تلمهم و رصاصه تفرقهم
تسلسل لاحداث الاخيره غير منطقي و ده اللي خلاني مشاركش في التصفيق اللي قام به المتفرجون بعد نهاية الفيلم حسيت ان الفيلم طبخه حلوه و عليها شويه رمل مش ملح بس

*********************************************************

اكمل الكوكتيل خبر قريته النهاردة في مصراوي نقلا عن رويترز ان عدد مرضى الايدز في مصر وصل ل 5000
رقم كبير جدو المصيبه الاكبر ان المسجل لدى وزاره الصحه ما يقترب من 2000
يعني 3000مريض من الايدز اما انهم يخفون ذلك او يحاولون نشر المرض و اتذكر خبر قرأته في صفحه الحوادث منذ فتره عن القبض عن فتاتين يحترفان البغاء من اجل نشر مرض الايدز المصابتان به المشكله كام مريض من ال 3000 المش مسجلين دول بيعمل كده ؟؟؟
جزء اخر في الخبر ان المصاب الواحد يكلف الدوله علاج 1000 دولار شهريا يعني 5000000 دولار شهريا يعني 60000000 دولار سنويا يعني ما يقرب من 350 مليون جنيه سنويا كل ده علاج من مرض واحد
الايدز لا ينتقل الا بثلالث طرق ممارسيه الجنس او الدم او الحامل للمولود و للأسف النسبة الاكبر هي الاولى طبعا ميصحش كل الفلوس دي تضيع و احنا دوله اسلامية
و حتى لو مش اسلامية فلوس كتير اوي لعلاج مرض يمكن التغلب عليه بسهوله و العلاج بالمناسبه لا يفيد في علاج الايدز و انما يبقي الوضع على ماهو عليه و يبطئ تطورات المرض
*************************************
خبر تاني في نفس الصفحه بتاعه مصراوي الخبر ده اللي هنقل عنوانه
يذبح زوجته لفشله في فض غشاء بكارتها ليلة الزفاف
و الخبر ماشاء الله في الاخبار الاعلى قرائة
و تخش على التفاصيل بقى قمه المهزله
انه حاول الفض لما ما انفضش دبحها
و الخبر منوه ان دي الحادثه التانيه
و سبقها حادثه بنفس الطريقة و الراجل برضه شك في سوء سلوك اللي اتجوزها و راح قاتلها و جه الطب الشرعي اثبت ان المتوفاه عزراء
دي اه الطب الشسرعي لسه مأعلنش
بس ده بيطرح سؤال
هل لازم تعليم الثقافه الجنسيه في مدارستنا ما دام الاهالي يتقاعصوا عن اداء هذا الواجب
كل الفكره اللي في دماغه ان لازم اول ما يخش الاوضه مع مراته مسيطر عليه غشاء البكاره و التـأكد من وجوده و لا يعلم شئ عن وجود انواع من هذا الغشاء منها المطاطي الذي يمكن الا يفض الا بزياره طبيب
و من الممكن ان تحاول و تقسم الضحيه لزوجها و هي صادقه انه اول رجل في حياتها بس لا حياه لمن تناتدي هو سانن السكينه و خلاص
*************************
بعد التصوير اللي صورته لمترو الانفاق في اللي طلب مني ان متكونش فضيحه مصر كده على الyoutube بصراحه انا عملت كده بعد ما فاض بيا الكيل في الزحام ناس طلبت مني انقل اللي في محطه رمسيس بصراحه محطه رمسيس امنيا صعبه و زحمه جدا لدرجه صعوبه التصوبير و بالمناسبه كنت فيها من اسبوع لقيت بنوته ماسكه كاميرا ديجيتال و انا في المترو اتجااه حلوان عاوز اروح المرج فخرجت قطعت تزكره تانيه و نزلت الف من شوبرا بدل ما اطلع سلالم و انزل لقيت واحده بتصور الناس في الزحمه و هي طالعه على السلالم الكهرباء بصيت ليبها جامد راحت لافه و ادورت كبرت في دماغي اعرف بتعمل ايه لقيتها طلعت جه مترو المرج و الناسي بتتخانق على الباب قعدت تصور بس قفلت الفلاش لعدم لفت الانتباه و بعدين ادورت بسرعه و نزلت
قلت يا سلام علمناهم الشحاته سبقونا على الابواب
مش عارف ايه سر تتبع الكاميرات الديجيتال ليا
النهارده و انا بصلي الضهر في الجامع و انا خارج لقيت واحد واقف قدام شباك الجامع بيصور الناس اللي بتصلي السنن او بتصلي متأخره كنت عاوز اسأله انت بتعمل ايه
******************************

متهيألي طولت عليكم هختم بفايل صغير
ممكن تعتبروه جنان
تهييس
تخاريف
جه بسبب ارتفاع ضغط الدم عندب
الفايل ده بكل بساطه بعد تجول في العتبه و الاموسكي ساعه الا ربع فقدت اعصابي من الصوت قلت اسجل السيمفونيه دي
عشان تسمعوها

http://www.mediafire.com/?7vn3mwvzbut

اخر شئ لازم انتهز البوست ده و اقول للكل
كل سنه و انتو طيبين

13 comments:

عـسـل مـرمـر said...

بنوته بتصور الشوارع بكاميرا ديجيتال .. صورت الجوامع و الإرهابيين اللى بيصلو .. بعد ما خلصو صلاه ركبو المترو بهمجيه شديده .. مسلمين بأه .. نزلو من المترو و حضرو فرح واحد صاحبهم .. مسلم زيهم .. ارهابى يعنى .. أو متخلف و جاهل قتل مراته عشان مبيعرفش .. بعد ما قتلها جه أمين الشرطه الشرير الجشع اخد منه كل فلوسه و ذله و مرمطه مقابل انه يخبيه من البوليس و ساء فيها أمين الشرطه و بهدل الناس كلهم بمبدأ اضرب المربوط يخاف السايب .. بعد سنين طويله الناس جتلهم الفوقه و افتكرو انهم مظلومين و متنازلين عن آدميتهم و موافقين يتلزقو على قفاهم و يعيشو جبناء
حزر فزر .. مين أمين الشرطه اللى الناس زهقت منه و قررت تثور عليه ؟؟؟؟؟؟

M.Shalan said...

الفلم معجبنيش
مش هي دي مصر
الفلم فيه مبالغة لاداعي لها
و فيه دعاية لا داعي لها لحمدين صباحي
ايه لازمة اليفط اللي متعلقاله في الفلم
الفلم فيه سادية و عنف و مواقف غير مبررة
يعني مثلا موقف منه لما راحت لخالد صالح يوم شم النسيم
طب هي راحتله ليه
يعني هو خالد يوسف عايز يقنعنا بايه
و بعدين المبالغة في الاحداث لما منه اغتصبها خالد صالح ايه الدم ده كله رغم انه اغتصبها و هي نايمة
ده بالاضافة للأخطاء الطبية
انه يشممها حاجة فتنام الكلام ده كلام فاضي و مالوش اي اساس طبي و هبل
لما منه خبطته على راسه نزل منه شوية دم مع انه طبيا معروف ان لما حدينضرب على راسه بينزف نزيف فظيع
الفلم مليان اخطاء و بلاوي بالاضافة للسوداوية في الاخراج
و بعدين يقولك مخرج عالمي
يا اخي بلانيلة
هو احنا كده
على فكرة ده ان دل على شيء فبيدل على مدى تخلف السينما المصرية
اذا كان ده المخرج الليس بيقولوا عليه عالمي امال غيره يعمل ايه ؟؟؟؟؟؟؟؟؟

Unknown said...

كل سنه و انت طيب عيد سعيد ماتنساش تجيبلي الخروف

ناردين said...

كل سنة وانت طيب
وعيد سعيد عليك \
وعلى كل حبايبك

Unknown said...

استاذ محمد
كل سنة وانت بالف خير

Hadota ... حدوتة said...

كل سنة وانت طيب

عيد سعييييييييييد
:)

Omar... [ خروشات ] said...

انا ما شوفتش الفيلم بس قريت كتير عنه

اخدت تصور عام انه فيلم مؤلم ثم قلب بفيلم كرتونى و نصايح ونكد فى الاخر

حاسس ان الفيلم موصلشى كل حاجة صح


عيد سعيد

Unknown said...

كل سنه وانت طيب يا محمد
ويعود عليك الايام بخير
متكترش من اكل اللحمه

Unknown said...

عـسـل مـرمـر
اعتقد ان الاجابة حاتم

Unknown said...

M.Shalan
فيلم الاول عجبني و الاخر معجبنيش الفليم الهندي الاخير

Unknown said...

سمير رجب القديم سمعت قبل كده انه رفع قضية على سمير رجب الجديد أل يعنى منتحل أسمه و ما عرفش بأه الى تم بس واضح من مقالك انه لسة موجود اهه و بيكتب ربنا يوفقه

الحمد لله انا لست من مستخدمى المترو كفاية عليا الميكروباص متهيألى هما أخترعوا المترو ده عشان بزودوا أزمة المرور مش يحلوها
:))))))))))))))))

Unknown said...

عاليا حليم
ميكروباصات ايه بس
انا الواحد مطلعش عينه الا من الميكروباصات دي

doda said...

اية ياراجل دة
نضف قلبك من جوة وخلية برتقانى والا اقولك بمبى وغنى بقا مع سعاد حسنى

وعيــــــش

Google