Wednesday, January 23, 2008

حقد طبقي

من العنوان كاتب ان الموضوع عن حقدي الطبقي عشان اي واحد رأسمالي يفضل النظام الاقتصادي الحر هيضايق
ملحوظه ملهاش دعوه بالموضوع انا بحب النظام الرأسمالي لما فيه من معدلات نمو مرتفعه مع تدخل الدوةله بقوانين للمنافسه و منع الأحتكار و تدخلها بأستثمار في حاله ارتفاع سعر سلعه افضل ان تتدخل و تنافس بأنشاء شركه منافسه تهدف للربح و التنافس و تخفيض السعر و التصنيع بجوده منافسة .
مفيش حد واخد كل حاجه لازم تاخد حاجه و تحتاج حاجه و ربنا سبحانه و تعالى وزع كده عشان الناس كلها تحتاج بعض بس انا ممكن اضايق من السفه في الانفاق اه من حكم في ماله فما ظلم بس برضه المال ده هتتحاسب عليه حسابين من اين اكتسبته و فيما انفقته .
البوست ده في حكايتين الاولى لمشكله من مشاكل احد افراد الطبقه الراقيه و صدقوني مش بتريق احنا هرينا نفسنا كلام عن مشاكلنا نتكلم شويسه على مشكله من مشاكل الناس اللي الناسش بتحقد عليهم و الحكايه التانيه مش عارف اوصفها لما تيجي حد يوصفها .


شهر اكتوبر جائته مكالمه منه هو ليس بصديق و لكن زميل دراسه في كرس في المعهد البريطاني و كانت مكالمته من اجل ان يخرج معه و كانت مكالمه غريبه فلم يروا بعضهم منذ فتره طويله جدا بالأضافه إلى ان العلاقه كانت صباتح الخير صباح النور بس .
برغم كل ده الا انه وافق على الفور على الخروجه لأنه كان في الفترلاه دي يبحث عن عمل و ارهق من البحث عن العمل و كمان ابوه هذا الزميل من مليونيرات ان لم يكن من مليارديرات البلد على اساس انه يمكن الكلام يجيب بعضه فيشوفله شغل و كان الاتفاق انه يركن عربيته و يركب معاه العربيه .
للأسف مجتش فرضه فتح موضوع بطالته بس لما ركب معاه العربيه كانت سياتره لاند روفر 2008 صاحبها قعد يشتكي من المشكله اللي قابلته في العربيه لما جابها .
المشكله ان بعد ما مشي بالعربيه شويه حب يغير الزيت و يغير فرش العربيه راح توكيل لاند روفر راحوا قالوله ان لسه مخدوش التدريب بتاع ال 2008 فمش هيقدروا يعملوا ليه فيها حاجه .
بس الحمد لله ربنا هداه للحل بعت العربيه بالسواق دبي غير زيت و فرش و رجع ............


******************************


هو شاب مثل الكثير من شباب هذا الزمن في كليته يعيش قصه حب و يحافظ على مقابله شبه يوميه مع من يحب في احد كافيهات مصر الجديدة و لكثره تردده بدأ في التعرف على العاملين ثم بدأ يتعرف على الرواد شيئا فشيئا و كانت مقابلته مع القبطان .
كانت البدايه عندما رأهم القبطان يلغعبون الطاوله فسألهم بتلعبوا ايه قالولوا 31 قالهم اصلي مبلعبش الا محبوسه ابقوا اتعلموها عشان ابقى العب معاكم و جائني في جلسه علمته بالفعل المحبوسة .
في أحدى جلساته الودية سأل القبطان ماذا تنوي ان تفعل بعد التخرج ؟؟؟
قال عادي هدور على اي شغلانه هنا و اشتغل
قاله هنا ؟؟؟ مينفعش انت الاحسن هاجر كندا هنا اتخن وظيفه هتاخد فيها كام 5000 جنيه ميأكلوكش ( كاتب هذه السطور العبد لله ممكن بيتحصل على المبلغ اللي فوق بس ناقص صفر في الشهر و 9 او 10 ساعات في اليوم و بلف مصر كلها و محاسب من الاخر مرمطون يبقى انا كده متنفسش اصلا مدام ابوا 5000 ميكلش ) انت تسافركندا تشتغل هناك .
عندي صديق بدأ من 7 سنيبن مكانش معاه فلوس كان معاه 200 الف ( دول يساوي مليون دلوقتي ) بدأ بسبع مراكب دلوقتي ايه ملياردير و عنده 40 مركب .
جيبت لبنتي تيريوس فبوظتها و هي بتتعلم السواقه هي بتقول ان العيب من العربيه و انا بقول ان العيب فيها عشان اثبتلها ان العيبب فيها جيبت عربيتين باسات واحده ليها وواحده ليا عشان تمشي ببتاعتها و انا ببتناعتي عشان اثبت ليها ان العيب فيها.


ايه الهدف من الرساله دي

مفيش هدف هي مجرد حقد طبقي

12 comments:

عصفور المدينة said...

يلا أهو أدينا لقينا تدوينة نحطها تدوينة مختارة

http://kasperb4.blogspot.com/ said...

معلش يا محمد ربنا يصبرك يا حبي
واضح ان الحقد واخد معاك وضعه اووووووووووي
:D :D

el_assel said...

والله انا كنت عايز اكتب لك تعليق

بس مش لاقي حاجة اكتبها
لو كتبت حاجة حاخرج عن شعوري

لا تعليق علي اي من القصتين
تبقي تغير الكافيه ده وخلاص

سلام بقي
علشان فيه بتاع اتنين جنيه حادفعهم في السايبر
وحاروح مشي

هههههههههههههههههههههههههههه


سلاماتي ياباشا

mesh2dra said...

المثل بيقولك
اللي معاه فلوس محيراه يجيب حمام ويطيره

المثل ده بردو لا ينم عن اى حقد طبقي
بتاتا " اتلاقكا "خالث "

Unknown said...

اولا حمد الله ع السلامة الغيبة طولت كده ليه ؟
ثانيا يا محمد النظام الرأسمالى ما نجحش مع حد فى اى حتة يمكن الغلط على رايك مش فى فكرته ، ممكن يكون الخطأ فى طريقة تطبيقه الله اعلم

بس برده ما اعتقدش ربنا يكون مقسمها بحيث البلد كلها تتباع كده لحد ما نلاقى فى يوم نفسنا محتلين من قبل الى اشتروها و لا ايه ؟؟؟؟

Unknown said...

عصفور المدينة
الف شكر يا باشا على رأيك في تدوينتي

Unknown said...

آلام وآمال
لأ ده انا بدعي ليهم ربنا يزيسدهم

Unknown said...

el_assel
2 جنيه بس
مش عاوز تشتغل سيواق و تسافر الامارات تغير زيت

Unknown said...

mesh2dra
فعلا احب الناس اللي معندهاش اي لاحقد طبقي

Unknown said...

عاليا حليم
لأ طكبعا النظام الرأسمالي ناجح جدا و الدليل دول شرلاق اسيا و تجاربها
احنا مبنطبقش نظام رأسيمالي
احنا بنطبق نظام كفتاجي

Anonymous said...

احييك على البلوج
ومن قبله البوست اللي باين فيه بجد
بجد ايه
مش عارف اكتب بجد ايه
يا عم انا مش معلق دي حاجة تنقط
سوري
سمسم

علوة said...

لسه كتباتك في خبث طيب
وحشتني يا معلم
كل سنة وانت طيب
...
أرجو ان الجيب بتاعتي متكونش في نطاق الخقد الطبقي
احنا اصحاب
ولا ايه ؟
..
عفوا
الجيب دي اسم الدلع للعدة الموتورلا بتاعة عرض النجم

Google