Friday, September 7, 2007

احتمالات


كنت ماشي انا و صاحبي قلت له ما شاء الله في مصر متوسط الاعمار بدأ يعلى شويه و برغم كده لو حد مات احنا معندناش ثقافه الموت يعني لما الواحد يموت تلاقي الناس ولا كأنها مستغربه برغم اني شايف ان احتمالات موت اي واحد لو حسبنا اللي بيعملوا بالورقه و القلم هنلاقي ان احتمالات موته اكبر بكتير من انه يستمر في الحياه
قال ازاي؟
قلت له انت مثلا صحيت من النوم دخلت الحمام تتشطف انت الاول السخان عندك كهرباء و لا غاز؟
قال كهرباء
قلت له مثلا مش ممكن يحصل ماس و تموت و ممكن ميحصلش حاجه نفترض انه محصلش حاجه جيت فطرت و شربت ميه الاكل مليان مبيدات مسرطنه يأمى تصيب يأمى تخيب نفترض انها خابت الميه في مصر اجدع ميه تجيب فشل كلوي الا اذا كنت بتشرب ميه معدنيه تفترض انك نجيت من الفشل الكلوي و نزلت من البيت ماشي في الشارع فيه بتعدي يأمى تخبطك عربيه او متخبطكش نفترض انها مخبطتكش رحت مترو الانفاق رايح على الكليه و المترو جاي اتزحلقت ووقعت قدامه نفترض انك موقعتش و ركبت المترو نزلت تغير في رمسيس نزلت النترو التاني الدنيا فاضيه و مافيش مترو جاي بس اتزحلقت على القطبان المكهربه نفترض انك ركبت و رحت الكليه طبعا الجو حر حبيت تشرب من كولدير للأسف الكولدير في ماس + انك هتشرب ميه راجع البند التالت ده غير و انتى في الطريق للجامعه ممكن تنفجر الايام دي فيك قنبله من قنابل المسامير اياها اصلهم كترو الايام دي طب نفترض انك عديت من ده كله و رجعت البيت نزلت بالليل مع اصحابك اه انت مش مدخن بس كلهم مدخنين يبقى بتدخن سلبي يعني معرض لأمراض كتير اوي معروفه .
ده غير ان احتمال تموت و انتى نايم يبقى شوف كام احتمال للنوت و كام احتمال للوفاه........




الاحتمال الاخير و اللي انا هضيفه و مقلتوش لصاحبي انك تمشي مع واحد محطه كامله تحكيله على الاحتمالات دي فيروح ...................... بصراحه مش فاكر بص الدكاتره بيأكدوا اني هفتكر اول ما الاصابات اللي في جسمي تخف

4 comments:

wa7dania said...

محمد
هتقفل المدونة دي إمتى ؟؟؟؟؟؟؟؟؟؟؟؟
منى

Mohamed_sobhy84 said...

قريب جدا لما الناس كلها تموت ابقى أقفلها

ما علينا said...

وفي احتمال
ان من رضا ربنا عليك
انك ما تموتش
وتعايش كل تلك
المصايب

علشان تبقى تكفير
ومنتحاسبش في الاخرة


الاحتمال القوي
اني هازورك كتير ان شاء الله

Mohamed_sobhy84 said...

بعد كل ده و يعيش الواحد يا سلام هي دي المعجزه اللي كلنا عايشين بيها
و ان شاء الله تتكرر زيارتك

Google