Friday, September 14, 2007

فين البسكوتة


التليفون رن لقيت صديق ليا عاوزني انزل معاه يشتري جزمه قلت ليه هستفاد انا اية من المشوار ده بعد مفاوضات حول ثمن وقتي الثمين و ثمن تأكل نعل الجزمة في المشي اتفقنا على ايس كريم رغم اني كنت عاوز شاورمة بس وافقت على مضض لأنه غالي عندي المهم نزلنا لفينا و مشتراش حاجه قلت ليه هتاخدني في دوكه فين الايس كريم قالي ماشي قلت ليه في استيك جلاكسي ب 12 جنية هو ده اللي عاوزه رفض بشدة و بعد مفاوضات قبلت بكيمو كونو اللي ب 1.5 جنية روحنا المحل بعد تقليب سألت الراجل في المحل مفيش كونو شوكلاتة قالي اخر واحده على فكره هتكسب قلتلصاحبي هتاخد ايه بص من فوق لتحت قال لأ انا هشرب بيبسي فتحت الكونو قعدت اكل و اقشر اكل واقشر بعدين سألت الواد هي فين البسكوتة بص كده و قالي انت عملت ايه في الكونو قلت ليه هو جه كده قلت بقى لازم اوصل للبسكوته لقيت و انا باكل ورقه بيضا مبروك كسبت كونو و اكتشفت ان الجيلاتي اتصب كله في الورقه من غير بسكوته بما فيها الحته الشوكلاته اللي تحت قلت كويس ربنا عوني ببسكوته و جيلاتي تاني صاحبي بص كده و انا بغير الورقة و راح قال للراجل هاتلي انا كمان واحدة كونو و احنا ماشيين بيقولي كلها بسرعه قلت ليه لأدي هسيبها في البيت قالي يا حاج عشالن نكسب و نغير تاني قلت لو كسبت في البيت هرجع للراجل مشيت شويه راح قالي استنى راح فاتح الورقه و قال ايه ده مكسبتش ايه الحظ ده ضحكت و سيبته و طلعت البيت


الكلام اللي فوق ده تخاريف صيام

4 comments:

ما علينا said...

هو الصيام بيعمل معاك كدا

مش خطر

طالما اخرك الايس كريم

وصحيح فين البسكوتة

Mohamed_sobhy84 said...

مش عارف ارفع قضيه على شركه كيمو كونو

Anonymous said...

مش بقولك إرحمنا

ميرامار

Mohamed_sobhy84 said...

ربنا اللي بيرحم

Google