Friday, September 14, 2007

الخطوط العريضة للروشنة




رحت للحلاق و دي حاجه من النادر اني اعملها مش عارف ايه سبب الفوبيا اللي عندي من حلاقه الشعر و لا هي فوبيا

و لا مجرد كسل عن الحلاقه المهم اني دائما لما ابدأ اقول اني عاوز احلق بحلق بعد ما اقول الكلمه دي بشهر دخلت على الحلاق قالي ايه رأيك احلق ليك زيرو
قلت ليه ليه بس
قالي بغيظ اصلك مبتسرحوش
قلت ليه و الله بسرح شعري
قال ده منظر شعر متسرح
قلت مسرحة الصبح قبل ما انزل الشغل
قال طب حط جل عليه كريم اعمل اي منظر
قلت كنت بحط جيل الاسبوع ده عشان طول لدرجه اني مش عارف اسرحة بس محطتش النهارده
قالي اشمعنى
قلت عشان انا عارف اني هجيلك
قالي حرام عليك انت هتتجوز ازاي
(كنت عاوز اقول مين قالك اني هتجوز بس قلت اسايره شويه ) اتجوز زي الناس عادي
قالي و تخش على مراتك كده
قلت و ماله كده ثم انا لو هخش على مراتي بشكل معين يبقى ده انسب شكل لأنها هي اللي عارفاني
قالي الشكل ده محدش يرضى بيك انت كده مش هتعرف تتجوز
قل ازاي ؟
قالي المفروض تضرب شعرك جيل توقفة ( بالمناسبة انا شعري ناعم الى حد ما و دايما الناس تقعد تقولي علي تسريحات غريبه لدرجة ان مره كان عندي في الشقه واحد صاحبي من الناس اللي بتنصحني بالتسريحات الغريبه كنت بغسل شعري قمت نعكشته بأيدي و خرجت ليه قلت ليه ايه رأيك في التسريحه قالي روشه طحن قلت كويس اخش بقى اسرح شعري ) تضرب شعرك احمر ( اه انا اهلاوي بس انا اسمر اسمر على احمر ناقص البس ابيض و ابقى علم مصر ) او اضربه ازرق ( الحلاق اتجنن و لا ايه ) البسلك سلسله سقط البنطلون ( كله كوم و تسقيطه البنطلون دي كوم موضه ما يعلم بيها الا ربنا )
قلت و ده اللي هيخليني اتجوز
قال اه عشان تعرف بنات و تمشي معاهم و تخطب لازم تعمل كده ( هو مين قاله اني عاوز اعرف بنات )بص عليا مثلا شوفت عامل شعري ازاي شوف دقني شوف السلسله حسس البنت انك فارس احلمها اللي بتحلم بيه
قلت اه قلتلي
نعبما
انعم الله عليك
سلام عليكم
هشوف لما اروح احلق المره الجايه بعد العيد هيقول ايه

5 comments:

wa7dania said...

عجبتني أوي الخطوط دي
منى

ما علينا said...

حلاق دا


ولا مستشار
كيف تعلق فتاه مرووشة مطحونة
في الروشنة

خليك معاه
شوف اخر الدراسة اللي هو عاملها

Mohamed_sobhy84 said...

مهو لسه انا هكمل معاه لما اروح احلق تاني بس انا مشكلتي اني عندي فوبيا من الحلاقة

Anonymous said...

حلاق بقى هنعمل ايه :)

Anonymous said...

هى تعتبر سفاقة منى بس...
لو كانت دى صورتك اللى على البلوج يبقى الحلاق ببساطة عنده حق..
بعيدا عن اضرب شغرك جل والسلسلة وتسقيط البنطلون ، الا ان اهتمامك بالحد الأدنى من مظهرك ده شئ كويس وانا بعتبره صحى...
عامة أنا مش هرغى كتير لان شكله كان موضوع قديم ولإنى رغاية ومش هتخلص منى، بالاضافة لانى ممكن أتضرب فى القاعدة دى " وعشان كده بحمد ربنا انى مش لازم أقول أنا مين "..
بس كده.. أنا خلاص قلت الكلمتين الدبش اللى ربنا قدًرنى عليهم وخلاص :):)
سلام بقى

Google